ރައީސް މުއިއްޒު އަދި ނަރީޝް: ފައިލް ފޮޓޯ ޕީއެސްއެމް
"ބުޅަލުގެ މައްސަލައަށް ދާއިމީ ހައްލެއް ގެނައުމުގެ މަސައްކަތް ފެއްޓެވީ ރައީސް މުއިއްޒު"
ގުފްތަގް އަޖީރު
19 އޮކްޓޯބަރ 2024 - 13:23:04
މާލޭގެ ބުޅަލުގެ މައްސަލައަށް ދާއިމީ ހައްލެއް ހޯދުމުގެ މަސައްކަތް ފެށިގެން ދިޔައީ މިހާރުގެ ރައީސުލްޖުމްހޫރިއްޔާ ޑރ. މުހައްމަދު މުއިއްޒު މާލޭ ސިޓީ މޭޔަރަކަށް ހުންނެވި ދުވަސްވަރު ކަމަށް މާލޭ ސިޓީ ކައުންސިލްގެ ޑެޕިއުޓީ މޭޔަރު އަހުމަދު ނަރީޝް ވިދާޅުވެއްޖެއެވެ.
Advertisement
ނަރީޝް ވިދާޅުވީ، ރައީސް މުއިއްޒު މާލޭ ސިޓީ ކައުންސިލްގައި ހުންނަވައިގެން ބުޅަލުގެ މައްސަލައަށް ފުރިހަމަ ހައްލެއް ހޯދުމަށް ކުރެއްވި މަސައްކަތް ހުއްޓުނީ ކުރީގެ ސަރުކާރުން އެކަމަށް ބޭނުންވާ ބިން ނުދީ ހިފެހެއްޓުމުންނެވެ. ނަމަވެސް، ރައީސްކަމަށް އިންތިހާބުވުމާ އެކު، ފުރަތަމަ އަހަރު ތެރޭގައި އެގްރިކަލްޗަރ އެންޑް އެނިމަލް ވެލްފެއާ މިނިސްޓްރީއާ ހަވާލުކޮށްގެން މާލޭ ސިޓީ ކައުންސިލްގެ އެހީތެރިކަމާއެކު ސަރުކާރުން ހުޅުމާލެއިން ބިމެއް ދޫކޮށްފައިވާ ކަމަށް ފާހަގަކުރެއްވިއެވެ.
"މިހާރު އެ ބިމުގައި ކެޓް ޝެލްޓަރެއް އަޅައި ނިމި، އަންނަ މަހުގެ ކުރީކޮޅު ހުޅުވުމަށް ތައްޔާރުވެފައި އެ ވަނީ. މިއީ ސީދާ ރައީސް މުއިއްޒުގެ އިރުޝާދުގެ ދަށުން އެގްރިކަލްޗަރ އެންޑް އެނިމަލް ވެލްފެއަރ މިނިސްޓަރު ކުރިއަށް ގެންދިޔަ ސަރުކާރުގެ ޕްރޮޖެކްޓެއް،" ނަރީޝް ވިދާޅުވި އެވެ.
ނަރީޝް އިތުރަށް ވިދާޅުވީ، މި ޕްރޮޖެކްޓުގައި ކެޓް ޝެލްޓާ ބިނާކުރުމުގެ މަސައްކަތް ކޮށްދިނީ ސަރުކާރުން އެދުނު ގޮތަށް ސިޓީ ކައުންސިލުން ކަމަށެވެ. އަދި މާލޭގެ ރައްޔިތުންގެ މި ބޮޑު ކަންބޮޑުވުމަށް އަވަސް ހައްލެއް ގެނެސްދެއްވި ކަމަށްޓަކައި ރައީސް މުއިއްޒަށް ޝުކުރު އަދާކުރެއްވިއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
