މި ތަކެތި ދޫކުރަނީ ދިރާގު ހެޑް އޮފީހުގެ ގްރައުންޑް ފްލޯގައި ހަދާފައިވާ ބިބް އެކްސްޕޯ ސެންޓަރުންނެވެ.
ދިރާގުން އިތުރަށް މައުލޫމާތު ދީފައިވާ ގޮތުގައި، މި ތަކެތި ދޫކުރާނީ މެންދުރު ފަހު 2 އިން ހަވީރު 6 އަށް އަދި ރޭގަނޑު 8 އިން 10 އަށެވެ. ބައިވެރިންނަށް މި ތަކެތި ނެގުމަށް އެ މީހެއްގެ އައިޑީ ކާޑާއި ބިބް ނަންބަރު ހުށަހަޅަން ޖެހޭނެއެވެ.
ރޭސް ކިޓުގައި ހިމެނެނީ ޓައިމިން ޗިޕަކާއި ބިބް، ރޭސް ޓީޝާޓު، ސްޓްރިންގް ބޭގް އަދި ހަތަރު ނަރުދަތި އެވެ. މިއީ ރާއްޖޭގައި ބާއްވާ އެންމެ ބޮޑު ދުވުން ކަމަށްވާއިރު، މީގެ މަގުސަދަކީ ދުޅަހެޔޮ ސިއްހަތެއް ޕްރޮމޯޓުކޮށް، ރާއްޖޭގައި ދުވުންތެރިން އުފެއްދުމަށް ހިތްވަރުދިނުމެވެ.
ދިރާގުން މި ރޭސް ބާއްވަނީ ކޮންމެ އަހަރަކު ވެސް އެވެ. މިފަހަރުގެ ރޭހުގައި ބައިވެރިވާ ފަރާތްތަކަށް ކިޓު ނެގުމަށް އަންގާރަ ދުވަހުގެ ނިޔަލަށް ފުރުސަތު އޮތް ކަމަށް ދިރާގުން ބުނެފައިވެއެވެ.
