ފުލުހުން ބުނީ ރޭ 12:05 ހާއިރު ގދ. ނަޑެއްލާގައި އެކްސިޑެންޓެއް ހިނގިކަމުގެ ރިޕޯޓް ލިބިފައިވާކަމަށެވެ.
އެ އެކްސިޑެންޓްގައި ނަޑެއްލާގެ ޖެޓީ މަގުން ބާރު ސްޕީޑްގައި ސައިކަލެއް ކޮންޓްރޯލް ނުވެ ގޮސް ، މަޑުކޮށްފައި އޮތް ރަށު ޕިކަޕެއް ކައިރީގައި ހުރި މީހެއްގެ ގައިގައި ޖެހިފައިވާކަމަށް ރިޕޯޓްކޯށްފައިވާކަމަށް ފުލުހުން ބުނެއެވެ.
މި އެކްސިޑެންޓްގައި ސައިކަލްގައި ތިބި 2 މީހުން އަދި ޕިކްއަޕް ކައިރީގައި ހުރި މީހާއަށް އަނިޔާވެގެން ތިނަދޫގެ ޑރ.އަބްދުލް ސަމަދް މެމޯރިއަލް ހޮސްޕިޓަލް އަށް ގެންގޮސްފައިވާކަމަށް ފުލުހުން މައުލޫމާތު ދެއެވެ.
ސައިލަކްގައި ހުރީ 18 އަހަރުގެ 2 މީހުން ކަމަށާއި ޕިކްއަޕް ކައިރީގައި ހުރީ 47 އަހަރުގެ މީހެއްކަމަށް ވެސް ފުލުހުން ބުނެއެވެ.
އޭގެ އިތުރުން މިއަދުގެ ވަގުތެއްގައި ސައިކަލު ދުއްވަން އިން މީހާއާއި ޕިކްއަޕް ކައިރީ ހުރި މީހާ މާލެއަށް ގެެނެސް އޭޑީކޭ ހޮސޕިޓަލްގައި ފަރުވާ ދެމުންދާކަމަށް ފުލހުން ބުނެއެވެ.
ސައިކަލް ދުއްވަން އިނީ ލައިސެންސް ނެތް މީހެއްކަމަށް ފާހަގަކޮށް ފުލުހުން ބުނީ މައްސަލަ އިތުރަށް ތަހުގީގު ކުރަމުން ދާކަަމަށެވެ.
