ފުލުހުން ބުނީ ރޭ ދަންވަރު ހިނގި އެކްސިޑެންޓް ހިނގާފައިވަނީ ނަޑެއްލާގެ ޖެޓީ މަގުން ބާރު ސްޕީޑްގައި ދުއްވާފައި ދިޔަ ސައިކަލެއް ކޮންޓްރޯލް ނުވެ، މަގުގެ އެއްފަރާތުގައި މަޑުކޮށްފައި އޮތް ރަށު ޕިކަޕެއް ކައިރީގައި ހުރި މީހެއްގެ ގައިގައި ޖެހިގެން ކަމަށެވެ.
މި ހާދިސާގައި އަނިޔާވެފައިވަނީ ސައިކަލު ގޮސް ޖެހުނު މީހާއާއި ސައިކަލްގައި ތިބި ދެ މީހުންނަށެވެ. މީގެތެރެއިން ސައިކަލް ދުއްވަން އިން ޒުވާނާއާ ޕިކަޕް ކައިރީ ހުއްޓާ ސައިކަލް ގޮސް ޖެހުނު މީހާ އިތުރި ފަރުވާއަށް މާލެ ގެންސެފައިވާކަމަށެވެ. އަދި މި ދެމީހުންނަށް އޭޑީކޭގައި އަންނަނީ ފަރުވާދެމުންނެވެ.
މި އެކްސިޑެންޓްވި ސައިކަލްގައި ތިބީ 18 އަހަރުގެ ދެ ކުދިންނެވެ. އަދި ސައިކަލް މަތަނުވެ ގޮސް ޖެހުނީ އުމުރުން 47 އަހަރުގެ މީހެެއްގެ ގައިގައިކަމަށް ފުލުހުން ބުނެއެވެ.
ސައިކަލް ދުއްވަން އިނީ ލައިސެންސް ނެތް މީހެއްކަމަށް ފާހަގަކޮށް ފުލުހުން ބުނީ މައްސަލަ އިތުރަށް ތަހުގީގު ކުރަމުން ދާކަަމަށެވެ.
