މި މައްސަލައިގައި ހައްޔަރުކޮށްފައިވާ 26 އަހަރުގެ މުހައްމަދު ވިސާމް ސިދުގީގެ މައްޗަށް ދައުވާކުރުމަށް ޕްރޮސިކިއުޓާ ޖެނެރަލްގެ އޮފީހަށް ފޮނުވާފައިވަނީ މިދިޔަ ހޮނިހިރު ދުވަހު ކަމަށް ފުލުހުން ބުނެއެވެ.
މި ހާދިސާ ހިނގީ މިދިޔަ ސެޕްޓެމްބަރު މަހުގެ ފަސް ވަނަ ދުވަހު ހުޅުމާލޭގެ އުރީދޫ ފިހާރަ ކުރިމަތީގައެވެ. ބާރު ސްޕީޑުގައި ދުއްވަމުން ދިޔަ ރޭސް ކާރަކުން ޖެހި، 23 އަހަރުގެ ހަސަން ސަމާހު ނިޔާވީ ހުޅުމާލޭ ހޮސްޕިޓަލުގައި ފަރުވާ ދެމުން ދަނިކޮށެވެ. އެކްސިޑެންޓް ވިއިރު ސަމާހު ހުރީ ސައިކަލެއްގައެވެ.
މި ހާދިސާއާ ގުޅިގެން ހުޅުމާލޭގައި ރޭސިން އަދި ޑްރިފްޓިންއަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ދީފައިވާ ހުއްދަ ވަނީ ބާތިލުކޮށްފަ އެވެ. މިކަމުގެ ސަބަބުން ހުޅުމާލޭގައި މިފަދަ ހަރަކާތްތައް ހިންގުން މަނާވެފައިވެ އެވެ.
ފުލުހުން ބުނީ މި މައްސަލައިގެ ތަހުގީގު ނިންމައި، ދައުވާކުރުމަށް ޕީޖީ އޮފީހަށް ފޮނުވާފައިވާ ކަމަށެވެ.
