ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ނޫސްވެރިޔަކު ކުރި ސުވާލަކަށް ޖަވާބު ދެއްވަމުން ވަޒީރު އިހްސާން ވިދާޅުވީ މަރުގެ އަދަބު ތަންފީޒުކުރުމުގައި އަމަލުކުރަންޖެހޭ ބައިނަލްއަގުވާމީ މިންގަނޑުތަކެއް ހުންނަކަމަށެވެ. އެގޮތުން ކޯޓުގެ ހުރިހާ މަރުހަލާއެއް އެއްކޮށް ނިންމުން ހިމެނޭކަން އިހްސާބް ފާހަގަކުރެއްވިއެވެ.
އިހުސާން ވިދާޅުވީ ދެ މީހެއްގެ މައްޗަށް މިހާރުވެސް މަރުގެ ހުކުމް ތަންފީޒު ކުރެވެން އެބަ އޮތް ކަމަށާއި އެހެންކަމުން އެކަމަށް ވާން ޖެހޭ ތައްޔާރީތައް ވަމުން އަންނަކަމަށެވެ. އެގޮތުން މިކަމަށް ބޭނުންވާ ގާނޫނާއި އުސޫލަތައް ހެދުމާއި މީހުން ތަމްރީނުކުރުމާއި މަރުގެ އަދަދު ތަންފީޒުކުރާނެ ތަނެއް ނިންމުމުގެ މަސައްކަތް ކުރަމުން އަންނަކަމަށް ވަޒީރު ވިދާޅުވިއެވެ.
ވަޒީރު އިހްސާން ވަނީ ރާއްޖޭގައި މަރުގެ ހުކުމް ތަންފީޒު ކުރާނެކަމުގެ ޔަގީންކަން ދެއްވާފައެވެ. އެގޮރުން ސަރުކާރުން އިއުލާންކޮށްފައިވާގޮތަށް އެކަން ވީ އެބންމެ އަވަހަކަށް ކުރުމުގެ މަސައްކަތް ކުރަމުން އަންނަކަމަށް އިހްސާން ވިދާޅުވިއެވެ.
ރާއްޖޭގައި އެންމެ ފަހުން މަރުގެ އަދަބެއް ދިނީ ރައީސް މުހައްމަދު އަމީންގެ ވެރިކަމުގައެވެ. އެއީ އޭރުގެ ގއ. އަތޮޅުގެ އަތޮޅުވެރިޔާއަށް ވިހައެއް ދީގެން މަރާލި މައްސަލާގައި ކުށް ސާބިތުވި ހަކީމް ދީދީގެ މައްޗަށެވެ. 1954 ވަނަ އަހަރު އެމީހާގެ މައްޗަށް އިއްވި މަރުގެ އަދަބު ތަންފީޒުކުރީ އޭނާގެ ބޮލަށް ބަޑި ޖަހާ މަރާލައިގެންނެވެ.
