Advertisement

ބެންގަލޫރުގެ ކޮރާމަންގާލާ އިންޑޯ ސްޓޭޑިއަމްގައި ކުރިއަށްދާ މި މުބާރާތުގައި ޖަޕާނު އަތުން ރާއްޖެ މިއަދު މޮޅުވީ 64 ޕޮއިންޓް 24 ޕޮއިންޓުންނެވެ. މުބާރާތުގައި ރާއްޖޭން މިހާތަނަށް ކުޅުނު ފަސް މެޗުގެ ތެރެއިން ތިން މެޗުން ވަނީ މޮޅުވެފަ އެވެ. އޭގެ ތެރޭގައި އިންޑިޔާ އަތުން މޮޅުވި މެޗުވެސް ހިމެނެއެވެ. ދިވެހި ޓީމު ބަލިވީ ފިލިޕީންސާއި މެލޭޝިއާ އަތުންނެވެ. އިއްޔެ ފިލިޕީންސް އަތުން ބަލިވީ 56-48 ންނެވެ. އިންޑިއާއާ ކުޅެ ރާއްޖެ މޮޅުވީ 55 ޕޮއިންޓް 48 ޕޮއިންޓުންނެވެ.

މުބާރާތުގައި 14 ޓީމަކުން ބައިވެރިވި އެވެ. އެންމެ ފަހު ޗެމްޕިއަނަކީ ލަންކާ އެވެ. މުބާރާތުގެ އެންމެ ކާމިޔާބު ޓީމަކީ ވެސް ލަންކާ އެވެ. އެ ޓީމުން ވަނީ އޭޝިއާގެ ޗެމްޕިއަންކަން ހަ ފަހަރު ހޯދައިފަ އެވެ.