ވަޒީފާއާ ބެހޭ ޓްރައިބިއުނަލުން ވަނީ އޭނާ އަލުން ވަޒީފާއަށް ނެރެ، 57،171 ރުފިޔާގެ ބަދަލު ދިނުމަށް އަމުރުކޮށްފަ އެވެ.
ޓްރައިބިއުނަލުން ބުނީ ޖެނިފާ ވަޒީފާއިން ވަކިކޮށްފައި ވަނީ އެކަށީގެންވާ ސަބަބެއް ނެތި ކަމަށް ވާތީ، އޭނާ ވަކިކުރި ދުވަހުން ފެށިގެން މައްސަލަ ނިމުނު ދުވަހާ ހަމައަށް މުސާރައާއި އިނާޔަތްތައް ދޭން ޖެހޭނެ ކަމަށެވެ. އަދި އޭނާއަކީ ވަޒީފާއިން ވަކިވެފައިވާ މީހެއް ކަމަށް ނުބެލުމަށް ވެސް އަމުރުކޮށްފައިވެ އެވެ.
ޖެނިފާ ވަޒީފާއިން ވަކިކުރީ މިދިޔަ ޖެނުއަރީ ތިނެއްގަ އެވެ. އޭގެ ކުރިން އޭނާ އެ މަގާމަށް އައްޔަންކޮށްފައި ވަނީ 2018 ވަނަ އަހަރު އެވެ. އޭނާ ވަޒީފާއިން ވަކިކުރުމަށް ނިންމީ އައިއޭއެސްގެ ބޯޑުންނެވެ.
ޓްރައިބިއުނަލުން އަމުރުކޮށްފައި ވަނީ 30 ދުވަހުގެ ތެރޭގައި އެ ހުރިހާ ކަމެއް ފުރިހަމަކޮށް، އެކަން ހަމަޖެހޭތާ ތިން ދުވަހުގެ ތެރޭގައި ޓްރައިބިއުނަލަށް އެންގުމަށެވެ.
