އުރުދުގާން އަދި ރައީސް މުއިއްޒު
ތުރުކީގެ ރައީސަށް ރައީސް މުއިއްޒުގެ މެސެޖެއް
ގުފްތަގް އަޖީރު
29 އޮކްޓޯބަރ 2024 - 17:22:32
ތުރުކީގެ 101 ވަނަ ޖުމްހޫރީ ދުވަހާ ގުޅިގެން ރައީސް މުއިއްޒު އެ ގައުމުގެ ރައީސް ރަޖަބް އުރްދުއާނަށް މެސެޖެއް ފޮނުއްވައިފި އެވެ.
Advertisement
މެސެޖުގައި ރައީސް މުއިއްޒު ވިދާޅުވީ ދިވެހިރާއްޖެ އާއި ތުރުކީގެ ގުޅުމަކީ އިތުބާރުގެ މައްޗަށް ބިނާވެފައިވާ ވަރުގަދަ ގުޅުމެއް ކަމަށެވެ. އަދި ދެ ގައުމުގެ ދެމެދުގައި 45 އަހަރު ވަންދެން ދެމިގެން އައި ގުޅުން އިތުރަށް ހަރުދަނާ ވަމުންދާނެ ކަމުގެ ޔަގީންކަން ވެސް ދެއްވި އެވެ.
ރައީސް މުއިއްޒު އިތުރަށް ވިދާޅުވީ "ދެ ގައުމު ޖޯގްރަފީ ގޮތުން ދުރުގައި އޮތް ނަމަވެސް، ދެ ފަރާތުގެ ގުޅުންތައް އިތުރަށް ފުޅާވަމުންދާނެ" ކަމަށެވެ. އަދި ބައިނަލްއަގުވާމީ މަންސަތަކުގައި ވެސް ދެ ގައުމުގެ ގުޅުން އިތުރަށް ވަރުގަދަވާނެ ކަމަށް ވެސް ވިދާޅުވި އެވެ.
މެސެޖު ނިންމަވާލައްވަމުން ރައީސް މުއިއްޒު ވަނީ ރައީސް އުރްދުއާނަށް ދުޅަހެޔޮ ސިއްހަތަކަށް އެދިވަޑައިގެން، ތުރުކީގައި އަމާންކަމާއި ފާގަތިކަން ދެމެހެއްޓުމަށް އެދިވަޑައިގެންފަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
