އާ ކަލަންޑަރާ އެއްގޮތަށް، 2025 ވަނަ އަހަރުގެ ދިރާސީ އަހަރު ފެށޭނީ 6 އޭޕްރީލްގައެވެ. ފުރަތަމަ ޓާމް ކުރިއަށްދާނީ 6 އޭޕްރީލް އިން 24 ޖުލައި އަށެވެ. އަދި ފުރަތަމަ ޓާމްގެ އިމްތިހާނުތައް ބޭއްވުމަށް ހަމަޖެހިފައިވަނީ 5 ޖުލައި އިން 19 ޖުލައި އަށެވެ.
ދެ ވަނަ ޓާމް ފެށޭނީ 10 އޯގަސްޓުގައެވެ. އަދި ނިމޭނީ 25 ޑިސެމްބަރުގައެވެ. ދެ ވަނަ ޓާމްގެ އިމްތިހާނުތައް ބޭއްވުމަށް ހަމަޖެހިފައިވަނީ 6 ޑިސެމްބަރު އިން 20 ޑިސެމްބަރު އަށެވެ. މިގޮތުން، 2025 ވަނަ އަހަރުގެ ބޮޑު ޗުއްޓީ ލިބޭނީ ޑިސެމްބަރު މަހުގައެވެ.
މި ބަދަލުތައް ގެނެވިފައިވަނީ ރައީސް މުހައްމަދު މުއިއްޒުގެ ރިޔާސީ ވައުދާ އެއްގޮތަށެވެ. އެޑިއުކޭޝަން މިނިސްޓްރީން ބުނީ 2026 ވަނަ އަހަރުން ފެށިގެން ދިރާސީ އަހަރު ފެށޭނީ ޖެނުއަރީގައި ކަމަށެވެ.
2026 ވަނަ އަހަރުގެ ދިރާސީ އަހަރު ފެށުމަށް ހަމަޖެހިފައިވަނީ 27 ޖެނުއަރީގައެވެ. މިއީ މަސްދުވަހުގެ ޗުއްޓީއަކަށް ފަހުގައެވެ.
