މަޖިލީހުގެ އިދާރާއިން ބުނީ މި ދަތުރުގައި މަޖިލީހުގެ އިތުރު ތިން މެންބަރުން ވެސް ބައިވެރިވާ ކަމަށެވެ.
މަޖިލީހުގެ ނައިބު ރައީސާ އެކު މި ދަތުރުގައި ބައިވެރިވަނީ ހޮޅުދޫ ދާއިރާގެ މެންބަރު އަބްދުއްސައްތާރު މުހައްމަދާއި، ނިލަންދޫ ދާއިރާގެ މެންބަރު ފާތިމަތު ސައުދާ އަދި މަހިބަދޫ ދާއިރާގެ މެންބަރު އަހުމަދު ތާރިގް އެވެ. މި ކޮންފަރެންސް ކުރިއަށްދާނީ ފަސް ދުވަހުގެ މުއްދަތަށެވެ.
މި ކޮންފަރެންސްގައި ކޮމަންވެލްތުގެ 53 ގައުމަކުން 700 މަންދޫބުން ބައިވެރިވާނެ ކަމަށް މަޖިލީހުގެ އިދާރާއިން މައުލޫމާތު ދީފައިވެ އެވެ. މިއީ ރާއްޖެ ކޮމަންވެލްތަށް އަލުން ގުޅުނު ފަހުން ބައިވެރިވާ ފުރަތަމަ ކޮމަންވެލްތް ޕާލަމެންޓަރީ ކޮންފަރެންސް އެވެ.
ރާއްޖެ ކޮމަންވެލްތުގައި ފުރަތަމަ ބައިވެރިވީ 1982 ވަނަ އަހަރު އެވެ. ނަމަވެސް 2016 ވަނަ އަހަރު ރާއްޖެއިން ވަނީ ކޮމަންވެލްތުގެ މެންބަރުކަން ދޫކޮށްލާފަ އެވެ. އޭގެ ފަހުން 2020 ވަނަ އަހަރު ރާއްޖެ ވަނީ އަލުން ކޮމަންވެލްތުގެ 54 ވަނަ މެންބަރު ގައުމުގެ ގޮތުގައި ބަލައިގަނެފަ އެވެ.
މި ކޮންފަރެންސްގައި ބައިވެރިވުމަކީ ރާއްޖެއަށް މުހިންމު ފުރުސަތެއް ކަމަށް ބެލެވެ އެވެ. މީގެ ސަބަބުން ރާއްޖެއަށް ކޮމަންވެލްތުގެ އެހެން މެންބަރު ގައުމުތަކާ އެކު ގުޅުން ބަދަހިކޮށް، އެކި ދާއިރާތަކުން އެއްބާރުލުން އިތުރުކުރުމުގެ ފުރުސަތު ލިބިގެންދާނެ އެވެ.
