މިމަހުގެ 20 ވަނަދުވަހު އޮލިމްފަހުގެ ސްކްރީނަށް އަންނަ މި ފިލްމު ޑައިރެކްޓްކޮށްފައިވަނީ މުޅިން އަލަަށް މިދާއިރާއަށް ނުކުންނަ އައްޒާމްއެވެ. ފިލްމުގެ ވާހަކަވެސް ލިޔެފައިވަނީވެސް އޭނާއެވެ.
މި ފިލްމުގެ އޮފިޝަލް ޓްރެއިލާ ދޫކޮށްލާފައިވާއިރު ޓްރެއިލާ ބަލާލުމުން މި ފިލްމުގައި ވަރުގަދަ އެކްޝަން ސީންތަކެއް ހުރިކަން ޔަގީންވެއެވެ. ކްރައިމް ޑްރާމާއެއްގެ ގޮތުގައި ގެނެސްދޭ މި ފިލްމުގައި ހިއުމަން ޓްރެފިކިންނާއި ގެވެށި އަނިޔާފަދަ އިޖްތިމާއި މައްސަލަތައް މި ފިލްމުގައި ފެނިގެންދާނެއެވެ.
މި ފިލްމުގެވެސް މެއިން ރޯލުންވެސް ފެނިގެންދާނީ މިހާރުގެ އެންމެ ކާމިޔާބު ތަރި ޝަރަފު އަބްދުﷲ އެވެ. އޭގެ އިތުރުން އަބްދުﷲ، މައިހާ އާދަމް، ހާޒިފް މުހައްމަދު، މޫސާ ރަޝީދު، ސުޝްމާ ސުބޭދީ ހިމެނެއެވެ. ފިލްމުގެ ކެމެރާމަނަކީ އިސްމާއީލް ޔާނިމް އެވެ. މިއުޒިކް އަދި ބެކްގްރައުންޑް މިއުޒިކް ހެދީ ފައްޗުއެވެ.
އައި ފިލްމްސް އާއި ކަޒްމިކް ގުޅިގެން އެންމެ ފަހުން ގެނެސްދިނީ ކޮމެޑީ ފިލްމު "ފްރީ ޑެލިވަރީ" އެވެ. މި ފިލްމަށްވެސް ގިނަ ބައެއްގެ ތަރުހީބު ވަނީ ލިބިފައެވެ.
