އަންނަ އަހަރުގެ ނިޔަލަށް ރާއްޖޭގައި މީހުން ދިރިއުޅޭ ހުރިހާ ރަށެއްގައި އޭޓީއެމް ބެހެއްޓުމުގެ މަޝްރޫއެއް އިފްތިތާހުކޮށްފައެވެ. މިއަދު ރައީސް އޮފީހުގައި ބޭއްވި ރަސްމިއްޔާތެއްގައި އެ މަޝްރޫއުގައި އިފްތިތާހްކޮށްދެއްވީ ރައީސް މުހައްމަދު މުއިއްޒު އެވެ.
އަންނަ އަހަރުގެ ނިޔަލަށް ރާއްޖޭގައި މީހުން ދިރިއުޅޭ 19 ރަށެއްގައި އެމްއައިބީގެ އޭޓީއެމް ބަހައްޓަން އެކަމުގެ އެއްބަސްވުމުގައި އިކޮނިމިކް މޯލްޑިވްސް އިސްލާމިކް ބޭންކް (އެމްއައިބީ) އިން މިއަދު ވަނީ ސޮއިކޮށްފައެވެ.
މި އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ މިނިސްޓަރު މުހައްމަދު ސައީދުއެވެ. އެމްއައިބީގެ ފަރާތުން ސޮއިކުރެއްވީ އެ ބޭންކުގެ ސީއީއޯ މުފައްދަލް އިދްރީސް ޚުމްރީއެވެ.
މި އެއްބަސްވުމުގެ ދަށުން އަންނަ އަހަރު ނިމޭއިރު 37 ރަށެއްގައި އެމްއައިބީގެ އޭޓިއެމް ހުންނާނެއެވެ. އެއީ ޖުމްލަ 62 އޭޓީއެމްއެވެ. އޭގެތެރޭގައި ހިމެނެނީ ރުފިޔާ ނެގޭ 56 އޭޓީއެމާއި ޑޮލަރު ނެގޭ ހަ އޭޓީއެމްއެވެ.
