ހދ. ވައިކަރަދުއަށް އުފަން ޢާއިޝަތު ޝިފާ ނިޔާވީ އުމުރުން 25 އަހަރުގައެވެ. އޭނާ ނިޔާވީ ބޮލުގައި ރިއްސީ ޓުމަރެއް ބޮލުގައި އިނެދެގެންކަން އެނގުނުތާ ހަފްތާއެއްވެސް ނުވަނީސްއެވެ.
ކައިވެންޏަށް ފަހު ޝިފާ ދިރިއުޅެމުން އައީ ފިރިމީހާގެ އުފަން ރަށް ކ.ހުރާގައެވެ. ޝިފާ ނިޔާވިއިރު އޭބާގެ ދެކުދިންވެސް ތިއްބެވެ. އެއީ 6 އަހަރުގެ ކުއްޖަކާއި 4 އަހަރުގެ ކުއްޖެކެވެ.
ޝިފާ ނިޔާވިތާ ތިން އަހަރެއްހާ ދުވަސްފަހުން އޭނާގެ ފިރިމީހާ މުހައްމަދު ޝާހިދު މި ވަނީ އަންހެނުންގެ ހަނދާނުގައި ރަށުގައި ކުޑަ މިސްކިތެއް އަޅާދީފައެވެ. މި މިސްކިތް އޭނާ އަޅާދީފައިވަނީ ހުރާ ސްކޫލް ގޯތިތެެރޭގައެވެ.
ސްކޫލުގެ ދަރިވަރުންނާ މުވައްޒަފުން އަދި ސްކޫލަށް ޒިޔާރަތް ކުރާ ފަރާތްތައް ނަމާދުކުރުމަށް ހުރާ ސްކޫލުގައި ޗާހި އަޅާދިން މިސްކިތައް ނަން ދީފައިވަނީވެސް އޭނާގެ އަންހެނުންގެ ނަމުންނެވެ. މިސްކިތައް ދީފައިވަނީ "މަސްޖިދުލް ޝިފާ" މި ނަމެވެ.
ހުރާ ސްކޫލްގައި އަނބިމީހާގެ ނަމުގައި އަޅާދިން މިސްކިތުގައި އެ ސްކޫލްގެ ދަރިވަރުންތަކެއް
މި މިސްކިތް އަޅާދިނުމުން ހުރާ ސްކޫލުން ވަނީ އެކަމުގެ އަގުވަޒަންކޮށް، ސްކޫލުގެ މުވައްޒަފުންނާއި، ދަރިވަރުންނާއި އަދި ބެލެނިވެރިންގެ ފަރާތުން ޝިފާގެ އާއިލާއަށް ޝުކުރު އަދާކޮށްފައެވެ.
މުހައްމަދު ޝާހިދު ބުނީ އަނބިމީހާގެ ހަދާނުގެ މިސްކިތެއް އަޅާދިނީ އަނބިމީހާއަށް އަބަދުވެސް ހެޔޮ ޖަޒާ ލިބިދެނިވި ކަމެއް ކުރުމުގެ ގޮތުންކަމަށެވެ.
ޝިފާ ނިޔާވީ އާއިލާއެކު އުމްރާއަކަށް ދިޔުމަށް ފައިސާވެސް ދައްކާފައިވަނިކޮށެވެ.
