Advertisement

މައުލޫމާތު ލިބިފައިވާ ގޮތުގައި ނަގިއްޔެއް ވަގަށް ނެގި ކަމުގެ ތުހުމަތުގައި ހައްޔަރުކޮށްފައިވަނީ ދިވެހި ދެ ފިރިހެނުންނެވެ. އެއީ ހއ. ހޯރަފުށްޓަށް ނިސްބަތްވާ އުމުރުން 40 އަހަރުގެ މީހަކާ، ނ. ޅޮއްސައް ނިސްބަތްވާ 36 އަހަރުގެ މީހެކެވެ. 

މި ދެ މީހުން ހައްޔަރުކޮށް ކޯޓަށް ހާޒިރު ކުރުމުން ދެ މީހުންގެ ބަންދަށްވެސް ކޯޓުންވަނީ ހަފުތާއެއް ޖަހާފައެވެ. ދެ މީހުންގެ ބަންދު އަމުރު ރިޕޯޓުން އެނގޭ ގޮތުގައި ދެ މީހުންނަކީވެސް މީގެ ކުރިން މި ފަދަ ރެކޯޑްތައް އޮތް މީހުންނެވެ. ދެ މީހުންވެސް މި ހާދިސާގައި ވައްކަން ކުރި ކަމަށް ކުރެވޭ ތުހުމަތުތަކަށްވަނީ ކޯޓުގައި އިންކާރުކޮށްފައެވެ. 

ދެ މީހުން ކުރެ އެކަކު ކޯޓުގައި ބުނެފައިވާ ގޮތުގައި އެ މީހުން އަތުން ފެނުނު ނަގިއްޔަކީ، ބަޔަކު އެއްލާލުމުން ހޮވައިގެން ޕޮލިހަށް ހަވާލު ކުރަން ގެންދިޔަ އެއްޗެވެ.