ޖުމްހޫރީ ދުވަހުގެ މުނާސަބަތުގައި ބޭއްވި ރަސްމީ ޖަލްސާހައި ވާހަކަ ދައްކަވަމުން ރައީސް މުއިއްޒު ވިދާޅުވީ ސަރުކާރުން ރައްޔިތުން ލަެްވާ މަސައްކަތް ކުރުވާފައި އެތައް ސަތޭކަ މިލިއަން ރުފިޔާއެއް ނުދީ އެބަހުރިކަމަށެވެ.
އެ ބިލްތަކުގެ ތެރެއިން 5 މިލިއަަށްވުރެ ދަށުގެ ރައްޔިތުންގެ ހުރިހާ ބިލަކަށް ފައިސާ ދީން ނިންމާފައިވާކަމަށް ރައީސް މުއިއްޒު ވިދާޅުވިއެވެ.
ރައީސް ވިދާޅުވީ މިިދިޔަ ހަފްތާގައި އެކަނިވެސް 501 މިލިއަން ރުފިޔާ މިހާރު ޖަމާކޮށްދީފައިވާނެކަަމަށެވެ. އަދި އެކަން މިހާރު އެކުންފުނިތަކަށް އެނގޭނެކަމަށްވެސް ރައީސް ވިދާޅުވިއެވެ.
ޖުމްހޫރި ދުވަހުގެ ޖަލްސާގައި ގައުމާއި މުހާތަބު ކުރައްވާ ވާހަކަ ދައްކަވަމުން ރައީސް މުއިއްޒު ވިދާޅުވީ ވެރިކަމާ ހަވާލުވިއިރު 2 މިލިޔަން ޑޮލަރުގައި ހުރި ސޮވްރިން ޑިވޮލޮޕްމަންޓް ފަންޑު، މިއަދާ ހަމައަށް 78 މިލިޔަން ޑޮލަރު ޖަމަކޮށްފައިވާކަަމަށެވެ. އަދި މި އަހަރު ނިމޭއިރު 100 މިލިއަން ޑޮލަރަށް އެރުވުމަކީ އަމާޒެއްކަމަށްވެސް ރައީސް ވިދާޅުވިއެވެ.
ރައީސް ވިދާޅުވީ މި ސަރުކާރު މަސައްކަތް ކުރަނީ ރައްޔިތުން މުއްސަނދި ކުރަމުން، އެ މީހުންނަށް ދޭން ޖެހޭ ފައިސާ ދެމުން އަދި ރައްޔިތުންނަށް ލިބެން ޖެހޭ ފައިސާވެސް ހޯދައިދިނުމަށްކަމަށެވެ.
