އިންޓަނޭޝަނަލް ބްރޭކުގައި ރާއްޖެއިން ބަންގްލަދޭޝް އާއި ދެކޮޅަށް ކުޅޭ އެކުވެރިކަމުގެ ދެ މެޗު އޮންނާނީ މި މަހުގެ 13 އަދި 16 ގައެވެ. ދެ މެޗުވެސް ކުޅޭނީ، ބަންގްލަދޭޝްގެ ކިންގްސް އެރީނާގައެވެ.
މި ދެ މެޗަށް ނެގި ސްކޮޑުގައި ޒުވާން ގައުމީ ޓީމުގެ ތިން ކުޅުންތެރިއަކު މި ސްކޮޑުގައި ހިމެނޭއެވެ. މީގެ އިތުރުން މި ސްކޮޑުން މިފަހަރު އަލަށް ފުރުސަތު ލިބުނު ކުޅުންތެރިންތަކުގެ ތެރޭގައި ހައިސަމް ރަޝީދު އާއި އަހުމަދު މާއިޝް ރަޝީދު ހިމެނެއެވެ.
އެންމެ ފަހުންވެސް ރާއްޖެއިން ބައިނަލްއަގުވާމީ މެޗެއް ކުޅެފައިވަނީ ބަންގްލަދޭޝް އާއި ދެކޮޅަށެވެ. އެއީ މިދިޔަ އަހަރުގެ އޮކްޓޯބަރު މަހު، އޭޝިއާ ސަރަހައްދުގެ ފީފާ ވޯލްޑް ކަޕް ކޮލިފައިންގައި އެ ޓީމަށް ދެކޮޅަށް ކުޅުނު މެޗުތަކެވެ. އެ ފަހަރުގެ ކޮލިފައިންގައި މާލޭގައި ކުޅުނު މެޗު 1-1 ގެ ނަތީޖާއަކުން އެއްވަރުވިއިރު، ބަންގްލަދޭޝްގައި ކުޅުނު މެޗުން 2-1 ގެ ނަތީޖާއަކުން ކާމިޔާބުކޮށްފައިވަނީ އެ ގައުމުންނެވެ.
