ތިލަފުށީގައި މިއަދު ބޭއްވި ރަސްމިއްޔާތެއްގައި އެމްޕީއެލް މެރިޓައިމް ވިޔަފާރިއާ އަލަށް ގުޅިފައިވަނީ އެ ކުންފުނިން ބަނދެފައިވާ "ވޯޓާ ބަންކަރިން" އަށް ހާއްސަ ފެން ބާޖެކެވެ.
އުތުރު މެރިޓައިމް ސާވިސްއިން ފޯރުކޮށްދޭ ވޯޓާ ބަންކަރިން ހިދުމަތަށް ބޭނުންވާ ފެން ބާޖު ދައްކާލުމަށްފަހު، ވަޖީހު ވިދާޅުވީ ބަންކަރިންގެ ހިދުމަތް އެންމެ ފުރަތަމަ ފޯރުކޮށްދިންއިރު އެމްޕީއެލުން ހުރިހާ ތައްޔާރީތައްވެފައި ނެތް ކަމަށެވެ.
އަދި އޭރު ހިދުމަތް ފޯރުކޮށްދިނީ ލޭންޑިން ކްރާފްޓެއްގައި ޕްލާސްޓިކް ހަން ބަހައްޓައިގެންކަމަށް ވަޖީހު ވިދާޅުވި އެވެ.
ތިލަފުށީގައި މިއަދު ބޭއްވި ރަސްމިއްޔާތެއްގައި އިހަވަންދިއްޕޮޅަށް ފޮނުވި ފެން ބަންކަރިން އުޅަނދު އެމްޕީއެލްއިން ވެރިން ބައްލަވާ ލައްވަނީ
މިއީ 200 ޓަނުގެ ފެން ރައްކާ ކުރެވޭ ބާޖެކެވެ. މީގެ ފަހުން ވޯޓާ ބަންކަރިން އަށް ބެއިނުން ކުރެވޭނީ މި ބާޖެވެ. މި ބާޖުގެ ހިދުމަތް ފުރިހަމަ ކުރުމަށްޓަކައި ލަސްތަކެއް ނުވެ، ބާޖުގައި ފެން ޕުލާންޓެއް ބަހައްޓައިގެން ފެން ފޯރުކޮށްދޭން ފަށަން އެމްޕީއެލްއިން ދަނީ ތައްޔާރު ވަމުންނެވެ.
ވަޖީހު ވިދާޅުވީ ރާއްޖޭގެ އިގުތިސާދު ހަރުދަނާ ކުރެއްވުމުގެ ގޮތުން، އިގުތިސާދީ އާ ސިނާއަތްތައް އުފެއްދެވުމުގެ މަސައްކަތްތައް ފެށްޓެވީ އަދުގެ ރައީސް ޑރ. މުހައްމަދު މުއިއްޒު އެވެ. އެގޮތުން ރައީސްގެ ވެރިކަމަށް އެއް އަހަރު ނުފުރެނީސް އިގުތިސާދަށް ދިރުން ގެނެސްދޭނޭ މުހިންމު މަސައްކަތްތަކެއް ފެށްޓެވި އިރު، އެއިގެ ތެރެއިން މުހިއްމު އެއްކަމަކީ އިންޓަރނޭޝަނަލް އޯފުޝޯ ބަންކަރިން ގެ ހިދުމަތެވެ.
އެމްޕީއެލްއިން އިހަވަންދިއްޕޮޅަށް ފޮނުވި ފެން ބަންކަރިން އުޅަނދު
އުތުރު މެރިޓައިމް ސާވިސްއިން ފޯރުކޮށްދޭ ވޯޓާ ބަންކަރިން ހިދުމަތަށް ބޭނުންވާ ފެން ބާޖް ތުރާކުނުގައި ބޭއްވުމަށް މޯލްޑިވްސް ޕޯޓްސް ލިމިޓެޑާއި ތުރާކުނު ކައުންސިލާ ދެމެދު މިއަހަރުގެ ސެޕްޓެމްބަރު 19 ވަނަ ދުވަހު ވަނީ އެއްބަސްވުމެއްގައި ސޮއިކޮށްފަ އެވެ.
އޭނާ ވިދާޅުވި ގޮތުގައި މިދިޔަ ސެޕްޓެމްބަރ މަހު 19 ވަނަ ދުވަހު ފެށި މި ހިދުމަތުގައި، ވޯޓާ ބަންކަރިން ހިދުމަތަށް ފުރަތަމަ ބެއިނުން ކޮށްފައި ވަނީ، ކޮޅުވެއްޓި އެއްގައި ކަޅު ހަން ބަހައްޓައިގެންނެވެ. އެއިގެ ފަހުން ދެމަސް ދުވަސް ނުވަނީސް، މިއަދު މިވަނީ ވޯޓާ ބަންކަރިން އަށް ތައްޔާރު ކުރި "ފެން ބާޖު" ހިދުމަތަށް ނެރެވިފައި އެވެ. މިއީ ތިލަފުށީގައި އޮންނަ އެމްޕީއެލް ގެ ޑޮކުޔާޑުގައި، އެމްޕީއެލް އިން ތައްޔާރު ކުރި ބާޖެކެވެ.
މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ ސީއީއޯ މުހައްމަދު ވަޖީހު އިބްރާހީމް ވިދާޅުވީ ރާއްޖޭގެ އިގްތިސާދަށް ބަންކަރިންގެ ހިދުމަތް ދިނުމަކީ ވަރަށް މުހިންމު ހިދުމަތެއް ކަމަށާއި ފެން ބާޖާއެކު ފެނުގެ ބަންކަރިންގެ ހިދުމަތް ފުރިހަމައަށް ފޯރިކޮށްދެވޭނެކަމުގެ ޔަޤީންކަން އެބައޮތް ކަމަށެވެ.
އެމްޕީއެލްއިން އިހަވަންދިއްޕޮޅަށް ފޮނުވި ފެން ބަންކަރިން އުޅަނދު
ބަންކަރިންގެ ހިދުމަތް ފެށުމަށް ބޭއްވި ރަސްމިއްޔާތުގައި އިކޮނޮމިކް މިނިސްޓަރު މުހައްމަދު ސައީދު ވިދާޅުވީ، ރާާއްޖެ އޮތް ސަރަހައްދަކީ މުހިންމު ސަރަހަދެއް ކަމަށާއި މި ސަރަހައްދުން ދުވާލަކު 300 އެއްހާ ބޯޓު ހުރަސްކުރާއިރު އޭގެ ކުޑަ އިންސައްތައް ރާއްޖެއަށް ލިބިގެންދިއުމަކީ ވެސް ކުރިއެރުމެއް ކަމަށެވެ.
ބަންކަރިން ހިދުމަތް އިތުރަށް ފުޅާކޮށް ހޯރަފުށީގައި ބިން ހިއްކައިގެން ތެޔޮ ޓާމިނަލަކާއި ކޮންޓެއިނާ ޓާމިނަލެއް އެޅުމަށް ވަނީ ހަމަޖެހިފަ އެވެ. އަދި އުލިގަމުގައި ޔޮޓް މެރީނާއެއް ތަރައްގީ ކުރުމަށް ހަމަޖެހިފައިވާ އިރު، އެ ކަމަށް ހަ ފަރާތަކުން މިހާރު ވަނީ ޝައުގުވެރިކަން ވެސް ފާޅުކޮށްފަ އެވެ.
