ޑައިމޯފިން ޓްރެފިކިން މައްސަލައެއްގައި އުމުރަށް ޖަލަށްލާފައި ހުއްޓާ، މަސްތުވާތަކެތީގެ އެހެން މައްސަލައެއްގައި އަނެއްކާވެސް ހައްޔަރުކޮށްފައިވަނީ، ރ. އިންނަމާދޫ، ފެމޯރާގެ، މުހައްމަދު ސަލީމް ކިޔާ އުމުރުން 65 އަހަރުގެ ދިވެހި ފިރިހެނެކެވެ. މި ހަފްތާ ތެރޭ އޭނާ އަލިމް ހައްޔަރުކޮށްފައިވަނީ މަސްތުވާތަކެތި ބޭނުންކުރުމާއި އޭގެ ވިޔަފާރި ކުރާކަމުގެ ތުހުމަތުގައެވެ.
މުހައްމަދު ސަލީމް ހައްޔަރުކޮށް ކޯޓަށް ހާޒިރުކުރުމުން 15 ދުވަސް އޭނާގެ ބަންދަށްވަނީ ޖަހާފައެވެ. އޭނާގެ މުއްދަތު މަޖިލީހުން އެނގޭ ގޮތުގައި މުހައްމަދު ސަލީމް އަތުން މަސްތުވާތަކެތީގެ ބާވަތެއް ކަމުގައިވާ މެތު އަދި ހެރޮއިން ފެނިފައިވެއެވެ. ކުރިން އޭނާގެ މައްޗަށް އުމުރު ދުވަހުގެ ޖަލު ހުކުމެއް އިއްވީ ޑައިމޯފިން ޓްރެފިކިންގެ މައްސަލައެއްގައެވެ.
މުހައްމަދު ސަލީމްގެ މައްޗަށް 2016 ވަނަ އަހަރު، ޑައިމޯފިން ޓްރެފިކިން މައްސަލައެއް ސާބިތުވެ 100،000 ރުފިޔާގެ ޖޫރިމަނާއަކާއެކު އޭނާ އުމުރަށް ޖަލަށްލާން ހުކުމްކޮށްފައިވެ އެވެ. އެ ހުކުމަށް 2022 ވަނަ އަހަރު ހައިކޯޓުންވެސް ތާއީދުކޮށްފައިވެއެވެ.
