މިއަދު އޮތް މަޖިލީހުގެ ޖަލްސާގައި އަބްދުއްރަހީމް ވިދާޅުވީ މީކާއިލް ހުށަހެޅުއްވި މައްސަލައިގައި މަޖިލީހުގެ ގަވާއިދުގެ 197 ވަނަ މާއްދާގެ ދަށުން ހުންނަންޖެހޭ ޝަރުތުތައް ފުރިހަމަ ނުވާ ކަމަށެވެ. ނަމަވެސް ހަމަނުވާ ޝަރުތަކީ ކޮބައިކަން އަބްދުއްރަހީމް ސާފުކޮށް ވިދާޅެއް ނުވެ އެވެ.
މީކާއިލް ހުށަހެޅުއްވި މައްސަލައިގައި ބުނެފައިވަނީ މީޑިއާ ކޮމިޝަން ބިލު މިހާރު ފަރުމާކޮށްފައިވާ ގޮތުން ނޫސްވެރިންނާއި މީޑިއާ ހިންގާ ފަރާތްތައް ސަރުކާރުގެ ބާރުގެ ދަށަށް ގެންދިއުމަށް މަގުފަހިވާ ކަމަށެވެ. އަދި އެ ކޮމިޝަން ރެގިއުލޭޓު ކުރުމުގެ ފުރިހަމަ ބާރު ސީދާ ރައީސުލްޖުމްހޫރިއްޔާއަށް ލިބޭ ކަމަށް ފާހަގަކޮށްފައިވެ އެވެ.
މީކާއިލްގެ މައްސަލައިގައި ސަރުކާރަށާއި މަޖިލީހަށް ގޮވާލާފައިވަނީ ގާނޫނުއަސާސީން ކަށަވަރުކޮށްދޭ ހައްގުތަކަށް ހުރަސްއެޅޭ ގޮތަށް މަޖިލީހުން ބިލުތައް ފާސްކުރުމުގެ މަސައްކަތް ހުއްޓާލުމަށެވެ.
- މީކާއިލްގެ ކުއްލި މައްސަލަ ބޭރުކޮށްލީ މަޖިލީހުގެ ގަވާއިދުގެ ޝަރުތު ހަމަނުވާތީ
- މައްސަލައިގައި ހިމެނެނީ މީޑިއާ ކޮމިޝަން ބިލާ ގުޅޭ ކަންބޮޑުވުންތައް
- ބިލުން މީޑިއާގެ ބާރުތައް ސަރުކާރުގެ ދަށަށް ގެންދާކަމުގެ ކަންބޮޑުވުން ފާޅުކޮށްފައިވޭ
