މާލޭގައި ސައިކަލެއްގެ މަޑިދަށުން ވަގަށް ނެގި ކަމަށް ވަނީ 442،750 ރުފިޔާ އެވެ. މި މައްސަލާގައި ބަންގްލަދޭޝް މީހެއް ކަމަށްވާ ޖަހަންގިރް އާލަމް ހައްޔަރު ކުރީ މިދިޔަ ސެޕްޓެމްބަރު މަހުގެ 12 ވަނަ ދުވަހުއެވެ. އަށް ފަހަރު މަތިން ޖަހަންގިރްގެ ބަންދު އިތުރުކުރި އެވެ. އަށް ފަހަރު މަތިން ޖުމްލަ 60 ދުވަހު އޭނާ ބަންދުގައި ހުރިއިރު، އޭނާ ބުނީ އޭނާ ފްރޭމްކޮށްފައިވާ ކަމަށެވެ.
ޖަހަންގިރްގެ ބަންދުގެ މުއްދަތު މަޖިލީހުގައި ފުލުހުން ވަނީ އޭނާ އެ ކުށްކުރި ކަމަށް ތުހުމަތު ކުރެވޭ ސީސީޓީވީ ވީޑިއޯ ހުށަހަޅާފަ އެވެ. މީގެއިތުރުން ފައިސާގެ ވެރިފަރާތުގެ ބަޔާންވެސް ވަނީ ހުށަހަޅާފަ އެވެ. ވީޑިއޯ އިން އޭނާ ސައިކަލެއްގެ މަޑިދަށް ހިއްލައިގެން އެއްޗެއް ނަގާތަން ފެންނަ ކަމަށް ބުނެފައިވެ އެވެ. ޖަހަންގިރްގެ ވަކީލު ކޯޓުގައި ވިދާޅުވެފައިވަނީ އެ ސައިކަލުގެ މަޑިދަށުން ނެގީ ވިއްސާރަ ކޯޓެއް ކަމަށެވެ.
އަދި ޖަހަންގިރްގެ ދެވަނަ އަނބިމީހާގެ ގެއަށް ވައްދާތައް ފެންނަ ކޮތަޅަކީ ދޮންކޭލާއި ކަދުރު ހުރި ކޮތަޅެއް ކަމަށެވެ. އަދި އެއީ އޭނާގެ އާއިލާއިން ހިއްސާކުރި މައުލޫމާތު ކަމަށްވެސް ވަކީލު ވިދާޅުވި އެވެ.
