އިލެކްޝަން ކޮމިޝަނާއި އެންޓީ ކޮރަޕްޝަން ކޮމިޝަންގެ ގާނޫނު މިހާރު ބުނާ ގޮތުން އެ ކޮމިޝަންތަކުގެ ރައީސާއި ނައިބު ރައީސް އައްޔަންކުރާނީ ކޮމިޝަންގެ ޖަލްސާގައި މެމްބަރުގެ ތެރޭގައި ނަގާ ވޯޓަކުން ހޮވޭ މެމްބަރެކެވެ.
ސަރުކާރުގެ ފަރާތުން އޭސީސީގެ ގާނޫނަށް އިސްލާހު ގެނައުމަށް ހުށައެޅުއްވީ ފެލިދޫ ދާއިރާގެ މެންބަރު އާދަމް ޒާހިރުއެވެ. އިލެކްޝަންސް ކޮމިޝަންގެ ގާނޫނަށް އިސްލާހު ހުށައެޅުއްވީ ކެލާ ދާއިރާގެ މެންބަރު އަބްދު ﷲ ޝަރީފެވެ.
މި ދެ ބިލްގައިވާ ގޮތުންވެސް އެ ކޮމިޝަންތަކުގެ ރައީސް އާއި ނައިބު ރައީސް އައްޔަންކުރަން ބޭނުންވާ ކޮންމެ ފަހަރަކު ކޮމިޝަން މެމްބަރުންގެ ތެރެއިން މެމްބަރެއްގެ ނަން ރައީސް މަޖިލިހަށް ފޮނުވަންޖެހެއެވެ. އަދި އެ މަގާމަށް އައްޔަންކުރާނީ ރައީސް ފޮނުވާ ނަން މަޖިލީހުން ފާސްކުރުމުންކަމަށް އެ އިސްލާހުގައިވެއެވެ.
ކޮމެޓީން މި ބިލު ދިރާސާކުރުމަށްފަހު ފާސްކުރީ ސަރުކާރުން ފޮނުވި ގޮތަށް އެއްވެސް އިސްލާހެއް ނުގެނެސްއެވެ.
ސަރުކާރުގެ މި ބަދަލާއި އެކި ކޮމިޝަންތަކަށް ސަރުކާރުގެ ނުފީޒު ވަންނާނެކަމަށް ބުނެ އިދިކޮޅުން ވަނީ ކަންބޮޑުވުން ފާޅުކޮށްފައެވެ.
