ރާއްޖޭގެ އެންމެ މަތީ ކޯޓާއި އިސްތިއުނާފީ ކޯޓުތަކުގެ އިތުރުން ސިވިލް ކޯޓު މިއަދު ވަނީ ރިސެސްއަށް ގޮސްފަ އެވެ. ނަމަވެސް އެންމެ ގިނަ މައްސަލަތައް ބަލާ ކްރިމިނަލް ކޯޓު ރިސެސްއަކަށް ނުދާ ކަމަށް އެ ކޯޓުން ބުނެފި އެވެ.
ސުޕްރީމް ކޯޓުން ބުނީ އެ ކޯޓު ރިސެސްގައި އޮންނާނީ އަންނަ އަހަރުގެ ޖެނުއަރީ 1 އާ ހަމައަށް ކަމަށެވެ. އަދި ރިސެސްގެ މުއްދަތުގައި ގާނޫނީ ގޮތުން ވަކި މުއްދަތެއްގެ ތެރޭގައި ނިންމަންޖެހޭ މައްސަލަތައް ފިޔަވައި އެހެން މައްސަލަތަކުގެ އަޑުއެހުމެއް ނުބާއްވާނެ ކަމަށް އެ ކޯޓުން ބުންޏެވެ.
ހައިކޯޓުން ބުނީ އެ ކޯޓު ރިސެސްގައި އޮންނާނީ މި މަހުގެ 31 އާ ހަމައަށް ކަމަށެވެ. ނަމަވެސް ބީ12 ސެކްޝަނުގެ މައްސަލަތަކާއި މޮނިކޮން އަމުރުތަކާއި އަވަސް ތަބީއަތުގެ އަމުރުތަކުގެ އިތުރުން އިޖުރާއީ އިއުތިރާޒާ ގުޅޭ ނިންމުންތަކުގެ ތެރެއިން މުއްދަތު ހަމަވާ މައްސަލަތައް ކުރިއަށް ގެންދާނެ އެވެ.
ސިވިލް ކޯޓު ރިސެސްގައި އޮންނާނީ މި މަހުގެ 20 އާ ހަމައަށެވެ. އަދި ކްރިމިނަލް ކޯޓުން މިދިޔަ އަހަރު ވެސް ރިސެސްއަށް ނުދާ ކަމަށް ބުނެފައި ވެ އެވެ.
