ގަލޮޅު ރަސްމީ ދަނޑުގައި ރޭ ހއ. ދިއްދޫ އާއި ދ. މީދޫ ބައްދަލުކުރި މެޗް ނިމުނީ ދެ ލަނޑު ދެ ލަނޑުން އެއްވަރު ވެގެންނެވެ. މެޗަށް ފަހު "މޭން އޮފް ދަ މެޗް" އަށް ހޮވުނު ކުޅުންތެރިޔާއަށް ރައީސުލްޖުމްހޫރިއްޔާގެ އަނބިކަނބަލުން ވަނީ ޓްރޮފީ ހަވާލުކޮށްދެއްވާފައެވެ.
"90 ޕްލަސް ގޯލްޑް ކަޕް 2024" ފުޓްބޯޅަ މުބާރާތަކީ މުޅި ރާއްޖެއަށް ހުޅުވާލައިގެން އަމިއްލަ ފަރާތަކުން ރާވާ ހިންގާ ފުޓްބޯޅަ މުބާރާތެކެވެ. މިދިޔަ މަހުގެ 20 ގައި ފެށުނު މި މުބާރާތުގައި 17 ޓީމަކުން ވާދަކުރެއެވެ.
ދިއްދުއާއި މިދޫގެ ކުރިމަތިލުމުން ކޮންމެ ޓީމެއް މޮޅުވިނަމަވެސް އެ ޓީމަކަށް ދެވަނަ ބުރުގެ ޖާގަ އެ މެޗަށް ފަހު ކަށަވަރުވީހެވެ. ނަތީޖާ ހަމަހަމަވުމުން، ދެ ޓީމަށް ވެސް ޖެހޭނީ ދެވަނަ ބުރުގެ ޖާގަ ކަށަވަރުކުރަން އިތުރު މެޗަކަށް މަޑުކުރާށެވެ.
ހޮނިހިރު ދުވަހު ކުޅޭ މެޗުތައް، ދީއްދު އާއި މީދުން އެއްވަރުކޮށް ލިޔަސް އެ ދެ ޓީމު ދެވަނަ ބުރަށް ދާނެ އެވެ. ހޮނިހިރު ދުވަހު ހަވީރު ކުޅޭ މެޗުގައި މީދޫ ނުކުންނާނީ، ކުޑަހުވަދުއާ ދެކޮޅަށެވެ. އެ ރޭ ކުޅޭ މެޗުގައި ދިއްދޫ ނުކުންނާނީ، ގދ. ފަރެސްމާތޮޑާއާ ދެކޮޅަށެވެ.
