މިނިވަން ނޫސްވެރިކަމާއި އަދުލު އިންސާފު ނެތް ދުވަސްވަރު ދިވެހިންނަށް ތަހައްމަލު ކުރަން ޖެހުނު އަނިޔާވެރި ހާދިސާތައް ފޮޓޯގްރާފަރ މޫސަ މަނިކު (ރީކޯ) ވަނީ އާޓިސްޓިކް މަންޒަރަކުން ސިފަކޮށްދީފައެވެ.
Advertisement
ލޮލުގައި ބަނދެފައިވާ ފޮތިގަނޑަކާއެކު، މޫދުގައި ހުރި މީހެއްގެ ގޮތުގައި ތަމްސީލުކޮށް ނަގާފައިވާ މި ފޮޓޯއާއެކު، އޭނާ ވަނީ އެ ދުވަސްވަރު ވިލިނގިލީ ޖަލުގައި ހިނގި އަނިޔާވެރި ހާދިސާތަކުގެ ވާހަކަ ހިއްސާކޮށްފައެވެ. އެގޮތުން އެންމެ ބޮޑަށް ފާހަގަކޮށްފައިވަނީ ޖަލު ބަންދުގައި ތިބި މީހުން މިޔަރު އުޅޭ ސަރަހައްދަށް ބާލައި އަނިޔާ ކުރި ކަމަށް ބުނާ ވާހަކަތަކެވެ.
"ހުރިހާ ބާރުތަކެއް ވެރިންގެ އަތަށް ދިނުމުން މި މާޒީ އިޔާދަވުން ދުރެއް ނުވާނެ. އަޅުގަނޑުމެން މިއަދު މި ތިބީ ގާނޫނު އަސާސީގެ ދިފާއުގައި،" މޫސަ މަނިކު ބުންޏެވެ.
ރީކޯ މޫސަ މަނިކު ފާހަގަކޮށްފައިވާ ގޮތުގައި، ގާނޫނު އަސާސީއެއް އޮވެ، އޭގައި ރައްޔިތުންގެ ބާރެއް ނެތި، އަދުލު އިންސާފު ގާއިމުކުރާނެ މިނިވަން ފަނޑިޔާރުގެއެއް ނެތި، އަދި ރައްޔިތުންގެ ފަރާތުން ބަހެއް ބުނާނެ މިނިވަން ނޫސްވެރިކަމެއް ނެތް ނަމަ، މިފަދަ އަނިޔާވެރި ހާދިސާތައް ތަކުރާރުވުން އެކަށީގެންވެއެވެ.
- ވިލިނގިލީ ޖަލުގައި ހިނގި އަނިޔާވެރި ހާދިސާތައް ފޮޓޯގްރާފަރ މޫސަ މަނިކު ވަނީ އާޓިސްޓިކް ގޮތަކަށް ސިފަކޮށްދީފައި
- ޖަލު ބަންދުގައި ތިބި މީހުންނަށް މިޔަރު އުޅޭ ސަރަހައްދުގައި އަނިޔާކުރި ކަމަށް ބުނާ ވާހަކަތައް ހާމަކޮށްފައިވޭ
- މިނިވަން ނޫސްވެރިކަމާއި އަދުލު އިންސާފު ނެތުމުން އަނިޔާވެރި ހާދިސާތައް ހިނގާފައިވާކަން ފާހަގަކޮށްފައިވޭ
- ވެރިންގެ އަތަށް ހުރިހާ ބާރެއް ދިނުމުން އަނިޔާވެރި މާޒީ އަނބުރާ އައުމުގެ ބިރު އޮތްކަން ފާހަގަކޮށްފައިވޭ
