
ސީޒަންގެ ފުރަތަމަ ކްރޫޒްލައިނާ އަކީ "އެމްއެސް އައިޑާ ސްޓެލާ" އެވެ. މި ކްރޫޒް ލައިނާ މާލެއަށް ބަނދަރުކުރީ މިއަދު މެންދުރުއެވެ.
މި ކްރޫޒް ލައިނާއިިން ރާއްޖޭގައި ބަނދަރުކުރީ 2،779 ފަސިންޖަރުންނާއެކުއެވެ. އޭގެތެެރޭގައި ހިމެނެނީ 2140 ފަތުރުވެރިންނާއި 639 ފަޅުވެރިންނެވެ.
މިއަދު އައި ކްރޫޒްލައިނާ ރާއްޖޭގައި ބަނދަރުކުރީ އޮމާންގެ ވެރިރަށް މަސްކެޓުން ފުރައިގެން އައިސްއެވެ.
ސީޒަންގެ ފުރަތަމަ ކްރޫޒްލައިނާ "އެމްއެސް އައިޑާ ސްޓެލާ" އިން ރާއްޖެއަށް އައި ފަތުރުވެރިން މާލޭގައި
މޯލްޑިވްސް އެސޯސިއޭޝަން ފޯ ޔޮޓް އެޖެންޓްސް (މާޔާ)އިން ބުނީ "އެމްއެސް އައިޑާ ސްޓެލާ" ރާއްޖޭގައި ދެ ދުވަސް މަޑުކުރާނެކަމަށެވެ. އަދި މި ދެދުވަހު އެކި ރަށްތަކަށް ޒިޔާރަތްކުރާނެކަމަށް މާޔާއިން ބުނެއެވެ.
މާޔާއިން ބުނީ މި ސީޒަންގައި ގާތްގަނޑަކަށް 14 ނޫނީ 15 ކްރޫޒްލައިނާ ރާއްޖެ އަންނާނެ ކަމަށް ލަފާކުރެވޭ ކަމަށެވެ. އެހެންނަމަވެސް މީ މި ސީޒަނުގައި ރާއްޖެ އަންނާނެކަމަށް ލަފާކުރި އަދަދަށްވުރެ މަދު އަދަދެއްކަމަށް މާޔާއިން ބުނެއެވެ.