އެ މަރުކަޒުން ބުނީ މާލޭ ސަރަހައްދުގައި" އިސްރަށްވެހިންގެ ގުރްއާން ޕްރޮގްރާމް"ގެ ނަމުގައި ހާއްސަ ޕްރޮގްރާމެއް ފަށަން ތައްޔާރުވަމުން އަންނަކަމަށެވެ. މި ޕްރޮގްރާމުގައި އަކުރުތަކުގެ އަދާތަކާއެކު ރީތިކޮށް ޤުރްއާން ކިޔަވަން ދަސްކޮށްދޭނެކަމަށް ގުރުއާނާއި ބެހޭ މަރުކަޒުން ބުނެއެވެ.
މި ޕްރޮގްރާމުގައި ބައިވެރިވެވޭނީ އުމުރުން 55 އަހަރުން މަތީގެ މީހުންނަށްކަމަށްވެސް ކީރިތި ގުރްއާނާ ބެހޭ މަރުކަޒުން ބުނެއެވެ. އަދި މި ޕްރޮގްރާމުގައި ބައިވެރިވާން ބޭނުންވާ ފަރާތަކަށް މިމަހުގެ 25 ވަނަ ދުވަހުގެ 13:00 އާއި ހަމައަށް ފުރުސަތު ހުޅުވަލާފައިވާކަމަށް އެ މަރުކަޒުން ބުނެއެވެ.
މި ކްލާސްތަކުގައި ބައިވެރިވާން ބޭނުންވާ ފަރާތްތަކުން ފޯމު ހުށައަޅަންޖެހޭނީ އޮންލައިންކޮށް ކަމަށް ކީރިތި ޤުރްއާނާ ބެހޭ މަރުކަޒުން ބުނެއެވެ.
މީގެއިތުރުން ފިރިހެނުންނަށް ހާއްސަކޮށްގެން މާލޭ ސަރަހައްދުގައި " އަލްމަޤާމާތުލް ޤުރްއާނިއްޔަ "ގެ ނަމުގައި ތަރުތީލުކޮށް ގުރްއާން ކިޔަވަން ދަސްކޮށްދިނުމުގެ ޕްރޮގްރާމެއް ފަށަން ނިންމާފައިވާކަމަށްވެސް ގުރުއާނާއި ބެހޭ މަރުކަޒުން ބުނެއެވެ. ކޮންމެ ހުކުރު ދުވަހެއްގެ ޢިޝާނަމާދަށްފަހު މި ކްލާސް އޮންނާނީ ހުޅުމާލޭ ފޭސް 2ގައި ހުންނަ ހަސަން އާދަމް މިސްކިތުގައިކަމަށްވެސް އެ މަރުކަޒުން ބުނެއެވެ.
