ސައުދީ ޕްރޯ ލީގުގެ އަލް ނަސްރަށް ކުޅެމުން އަންނަ ރޮނާލްޑޯވަނީ، ސައުދީ ބިޑް ޕްރޮމޯޓް ކުރުމުގެ އެންމެ އިސް އެއް އެމްބެސަޑަރެވެ. އޭނާ އަންނަނީ، ސައުދީ ޕްރޮމޯޓް ކުރުމަށް ގިނަ މަސައްކަތްތަކެއް ކުރަމުންނެވެ.
ސައުދީގައި ވޯލްޑްކަޕް އޮންނަކަން އިއުލާން ކުރުމުން ސޯޝަލް މީޑިއާގައި ރޮނާލްޑޯ ބުނީ، 2023 ވަނަ އަހަރުގެ ވޯލްޑްކަޕް ވެގެންދާނީ އެހާތަނަށް ބޭއްވޭނެ އެންމެ ފުރިހަމަ މުބާރާތަށް ކަމަށެވެ.
2034 ވަނަ އަހަރުގެ ވޯލްޑް ކަޕް ހޯސްޓް ކުރުމަށް ބިޑްކޮށްފައިވަނީ ސައުދީ އަރަބިއްޔާއިން އެކަންޏެވެ. އެހެންކަމުން ވާދަވެރިކަމެއް ނެތި އެ ބިޑް ސައުދީން ކާމިޔާބު ކުރިއިރު، ސައުދީ އަރަބިއްޔާއިން 2034 ވަނަ އަހަރުގެ ވޯލްޑް ކަޕް ބާއްވަން ކުރާ މަސައްކަތުގެ ތެރެއިން މުޅިން އަލަށް 11 ދަނޑު އެޅުމުގެ ޕްލޭންވަނީ ހަދާފައެވެ. ސައުދީން ޕްލޭންކޮށްފައިވާ އާ 11 ދަނޑުގެ ތެރެއިން އަށް ސްޓޭޑިއަމް ހުންނާނީ ވެރިރަށް ރިޔާޒުގައެވެ. އޭގެ ތެރޭގައި 92،760 މީހުންގެ ޖާގައިގެ ކިންގް ސަލްމާން އިންޓަނޭޝަނަލް ސްޓޭޑިއަމް ހިމެނޭއިރު، އެ ދަނޑުގައި ވޯލްޑްކަޕް ހުޅުވާ މެޗާއި ފައިނަލް ކުޅޭނެ އެވެ.
