ads
ފުލުހުން ކާރެއް ޓޯކުރަނީ
ޑްރައިވަރުންނާއި، ޓޯކުރި ކާރުތައް ދޫކޮށްލަން އެމްޑީޕީން ގޮވާލައިފި
އިއްޔެ ޓެކްސީ ޑްރައިވަރުން ކުރި އިހުތިޖާޖާ ގުޅިގެން ހައްޔަރުކުރި ޑްރައިވަރުންނާއި ޓޯކުރި އުޅަނދުތައް ދޫކޮށްލުމަށް އެމްޑީޕީގެ ޗެއަޕާސަން ފައްޔާޒް އިސްމާއިލް ގޮވާލައިފިއެވެ.
Advertisement

އެކްސްގައި ކުރެއްވި ޕޯސްޓެއްގައި ފައްޔާޒް ވިދާޅުވީ ސަރުކާރުން ފަށަން އުޅޭ ޓެކްސީ ލައިނާ މެދު ހިތްހަމަނުޖެހިގެން އިހުތިޖާޖުކުރި ޑްރައިވަރުން ހައްޔަރުކޮށް، އެ މީހުންގެ ކާރުތައް ޓޯކުރުމަކީ ކަންބޮޑުވާ ކަމެއް ކަމަށެވެ. އަދި ހަޅުތާލުކޮށް އިހުތިޖާޖުކުރުމަކީ ގާނޫނުއަސާސީން ކޮންމެ މީހަކަށްވެސް ލިބިދޭ ހައްގެއް ކަމަށް ވިދާޅުވި އެވެ.

ޓެކްސީ ޑްރައިވަރުން އިހުތިޖާޖުކުރަމުންދަނީ އެ މީހުންގެ ކަންބޮޑުވުންތަކަށް ހައްލެއް ނުލިބޭތީ އެވެ. އަދި އިސްވެރިންނާ އެކު އެތައް ފަހަރަކު މަޝްވަރާކުރުމަށްފަހުވެސް އެކަށީގެންވާ ހައްލެއް ނުލިބޭކަމަށް ބުނެ އެވެ.

އިއްޔެ ހަވީރު ފެށުނު އިހުތިޖާޖުގައި ޑްރައިވަރުން ހުޅުމާލެ ހައިވޭއަށް އަރާ ހިސާބުގައި ތިބެ އިހުތިޖާޖުކުރުމުން އެ މަގު ވަނީ ބަންދުވެފައެވެ. ފުލުހުން ވަނީ އެ ސަރަހައްދަށް ގޮސް ބައެއް ޑްރައިވަރުން ހައްޔަރުކޮށް، ބައެއް ކާރުތައް ޓޯކޮށްފަ އެވެ.

0%
ކަމުގޮސްފި
100%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް