ads
މިރެއިން ފެށިގެން ވޭޕް މަނާ، ބޭނުންކޮށްފިނަމަ ބޮޑު ޖޫރިމަނާއެއް ދައްކަންޖެހޭ
ގާނޫނަށް ގެނައި ބަދަލާއެކު މިރޭ ދަންވަރު 12 ގެ ފަހުން ރާއްޖޭގައި ވޭގް ބޭނުންކުރުމާއި ވިއްކުން މަނާވާނެއެވެ.
Advertisement

ދުންފަތް ކޮންޓްރޯލް ކުރުމުގެ ގާނޫނަށް ގެނައި އިސްލާހުތަކެއް ގެންނަ ސަރުކާރުން ހުށްއެޅި މިދިޔަ އޮކްޓޫބަރުމަހުގެ ތެރޭގައެވެ. އެ އިސްލާހުތައް މަޖިލީހުން ފާސްކުރުމުން ރައީސް ތަސްދީގުކުރައްވާ ގާނޫނަށް އަމަލުކުރަން ވަނީ ފަށާފައެވެ. 

އާ އިސްލާހުތަކާއި އެކު މިދިޔަ ަހުގެ 15 އިން ފެށިގެން ރާއްޖެއަށް ވޭޕް އެތެރެކުރުން ވަނީ މަނާވެފައެވެ. އަދި މި ރޭ ދަންވަރު 12 އިން ފެށިގެން ރާއްޖޭގައި ވޭޕް ބޭނުންކުރުންވެސް މަނާ ވާނެއެވެ. މި ގާނޫނާއި ހިލާފުވެއްޖެނަމަ ބޮޑެތި ޖޫރިމަނާތަކެއް ވަނީ ކަނޑައަޅާފައެވެ. 

ވޭޕް އެތެރެކޮށް ވިއްކުމުގެ އަދަބުތައް 

  • ވޭޕު ވިއްކާ ކޮންމެ މީހެއް 20،000 ރުފިޔާއިން ޖޫރިމަނާ ކުރާނެ. 
  • ވިއްކި ކޮންމެ ވޭޕަކަށް 10،000 ރުފިޔާ ގެ ޖޫރިމަނާއެއް ދައްކަންޖެހޭނެ
  • އެފަދަ އާލާތެއް ނުވަތަ އުފެއްދުމެއް ހިލޭ ބަހައިފި ނަމަ، 10،000ރ. އިން ޖޫރިމަނާ ކުރެވޭނެ

  • އެފަދަ އާލާތެއް ނުވަތަ އުފެއްދުމެއް ވިއްކީ ނުވަތަ ހިލޭ ބެހީ ކުޑަކުއްޖަކަށް ކަމަށްވާ ނަމަ، އިތުރު 50،000ރ. އިން ޖޫރިމަނާ ކުރެވޭނެ

ވޭޕް ބޭނުންކުރުމުން  ކަނޑައެޅިފައިވާ އަދަބުތައް 

  • ވޭޕު މަނާކުރުމަށްފަހު ހިލޭ ވޭޕެއް މީހަކަށް ދިނަސް 10،000 ރުފިޔާގެ ޖޫރިމަނާއެއް
  • ބޭނުންކުރާ ކޮންމެ މީހަކު 5،000 ރުފިޔާގެ ޖޫރިމަނާއެއް ދައްކަންޖެހޭނެެ

މި ބަދަލާއި އެކު އަމިއްލަ މީސްމީހުންގެ ގޭގައި ހިންގާ ސަރުކާރުގެ އޮފީސް އިމާރާތްތަކުގައިިވެސް ދުންފަތުގެ އިސްތިއުމާލްކުރުން މަނާވާނެއެވެ.

މީގެ އިތުރުން ދުންފަތް ގަނެ ވިއްކޭނެ އެންމެ ދަށް އުމުރަކީ 21 އަހަރަށްވެސް ވަނީ ބަދަލުކޮށްފައެވެ. އެ އުމުރު މިހާތަނަށް އޮތީ 18 އަހަރުން މައްޗަށެވެ. 

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް