ވަށައިގެން ޓިނު ޖަހއިގެން ދަގަނޑު ފްރޭމަކުން ހަދާފައިވާ ހައުސިން މިނިސްޓްރީ އާއި ކޮންސްޓްރަކްޝަން މިނިސްޓްރީ ހިންގަމުން އައި ބިލްޑިން ބުރާސްފަތި ދުވަހު އަލިފާނުގެ ހާދިސާގައި ވަނީ އެއްކޮށް އަނދާ ހުލިވެފައެވެ. އަދި އެ މިނިސްޓްރީއާ އިންވެގެން ހުރީ އެންވަޔަރަމަންޓް މިނިސްޓްރީއާ ސިޓީ ކައުންސިލްގެ އޮފީހަށްވެސް ވަނީ ގެއްލުންތައް ލިބިފައެވެ.
ގެއްލުނު ލިބުނު މިނިސްޓްރީތަކުގެ މުވައްޒަފުން މިއަދު ހެނދުުނު ވަނީ ދަރުބާރުގޭގައި ހަދާފައިވާ އޮފީސް ބަޔަށް ނުކުމެ އެ މިނިސްޓްރީތަކުން ދެެމުން އައި ހިދުމަތްތައް ދިނުމުގެ މަސައްކތް ފަށާފައެވެ.
އަލިފާނުގެ ހާދިސާގައި ގެއްލުންވި މިނިސްޓްރީތައް ދަރުބާރުގޭގައި ގާއިމުކޮށްފައި
އިއްޔެ ނޫސްވެރިންނާއި ވާހަކަ ދައްކަވަމުން ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަލިބް ވިދާޅުވީ މިނިސްޓްރީން ތަކުން ބޭނުންކުރަމުންދިޔަ ހައި ސްޕެކް ކޮމްޕިޓަރުތައްވެސް އަލިފާނުގެ ހާދިސާގައި ހަލާކުވެގެން ދިޔަކަމަށެވެ. އެހެންނަމަވެސް ޗައިނާ ސަރުކާރުގެ އެހީގައި ލިބިފަައިވާ ކޮމްޕިއުޓަރުތަކެއް ހުރުމުން އެތަކެތީގެ ބޭނުން ހިފާ ހިދުމަތްދޭން ފަށާނެކަމަށެވެ.
އަލިފާނުހެ ހާދިސާގައި އަނދައިގެން ދިޔަ މިނިސްޓްރީގެ އިމާރާތް ރޫޅާލުމުގެ މަސައްކަތް ކުރަނީ
އަލިފާނުގެ ހާދިސާގައި ރޯވި މިނިސްޓްރީތައް ހުރި ބިން ސާފުކުރަން ޕަބްލިކް ވޯކްސް މިނިސްޓްރީން އިއްޔެ ވަނީ ފަށާފައެވެ. އެ މިނިސްޓްރީން ބުނީ އެ އިމާރާތްތައް ރޫޅާ ލުމުގެ މަސައްކަތް ނިންމާ މިހާރު އެ ސަރައްދުގައި ބަންދުކޮށްފައިވާ މަގުތައް މިއަދު ހުޅުވާލެވޭނެކަމަށެވެ.
