
މިދިޔަ އޮކްޓޫބަރު މަހު ރިލީޒްކުރީ "ބީބީ" ސިނަމާރަކުން ނޭގީ ކާމިޔާބު ޝޯތަކަަކަށްފަހުއެވެ. އެ ފިލްމުގެ ޝޯތައް މާލޭގެ އިތުރުން އަތޮޅުތެެރޭ ބައެއް ރަށްތަކުގައިވެސް ވަނީ ދައްކާފައެވެ.
"ބިބީ" ސިނަމާތަކުގައި އޮތް ދުވަސްވަރު ބަލާ ނުލެވުނު މީހުންނަށް ޑާކްރެއިން އިން މިވަނީ އަނެއްކާވެސް އުފާވެރި ހަބަރެއް ދީފައެވެ. މި ހަފްތާގެ ހަފްތާ ބަންދާއި ދިމާކޮށް "ބިބީ" އަނެއްކާވެސް އޮލިމްޕަހަށް އަންނާނެކަމުގެ ޔަގީންކަން ޑްކްރެއިން އިން މިވަނީ ދީފައެވެ.
މިމަހުގެ 19 އަދި 20 ވަނަދުވަހުގެ ރޭ "ބިބީ" ގެ ހާއްސަ ދެ ޝޯ އޮންނާނެއެވެ. މި ޝޯތަކަށް ޓިކެޓްް ބުކްކުރުމަށް މިހާރު ވަނީ ހުޅުވާލާފައެވެ. އެހެންކަމުން މީ މި ފިލްމު ނުބަލާ މީހުންނަށާއި ދެވަނަ ފަހަރަށް މި ފިލްމް ބަލާލަން ބޭނުންވާ މީހުންނަށް ލިބޭ ރަނގަޅު ޗާންސްއެކެވެ.
ހެއްވާ މަޖާ ގިނަ ހާދިސާތަކެއް ހިމެނޭ ފިލްމުގެ ޑައިރެކްޓަރަކީ މުޅިން އަލަށް މި ދާއިރާއަށް ނުކުތް، ދިވެހިއެފްއެމްގެ މަޝްހޫރު އާރުޖޭ ޝަހުދާ މަހުމޫދްއެވެ. މި ފިލްމުގެ ވާހަކަވެސް ލިޔެފައިވަނީވެސް ޝަހުދާއެވެ.
"ބިބީ" ގެ ޕޯސްޓަރެއް
މި ފިލްމު ރިލީޒްކުރުމާއި އެކު ގިނަ ބަޔަކު ވަނީ މި ފިލްމަށް ތައުރީފުކޮށްފައެވެ. ފިލްމު ބެލި ގިނަ ބަޔަކު ބުނީ ހުތުރު ބަސްތަކާއި އެފަދަ ކަންކަމަށް ހިތްވަރުދޭ މަންޒަރުތައް ބޭނުން ނުކޮށްވެސް ބަލާ ހިތްވާ ހިތްގައިމު ފިލްމެއް އުފެއްދިދާނެކަން "ބިބީ" ޓީމުން ސާބިތުކޮށްދީފައިވާކަަމަށެވެ. އަދި ފިލަމުގައި ބިރިވެރި މަންޒަރުތައް އެހާމެ ބިރުވެރިކަމާއި ހެއްވާ މަންޒަރުތަކުން ހީހީ ހަލާކުކޮށްލާކަމަށްވެސް މި ފިލްމު ބެލި މީހުން ބުނެއެވެ.
"ބިބީ" ގެ ލީޑް ބަތަލުގެ ގޮތުގައި ފެނިގެންދާނީ ޑާކްރެއިންގެ ފިލްމުތަކުން މިހާރު މަޝްހޫރުކަން ހޯދާފައިވާ ކުޅަދާނަ އެކްޓަރު ޝަރަފު އަބްދުﷲ އެވެ. ޘަރަފަކީ މި ފިލްމުގެ ޑައިރެކްޓާ ޝަހުދާ މަހްމޫދްގެ ފިރި މީހާއެވެ. މި ފިލްމުގެ ލީޑް އަންހެން އެކްޓެރެސް އަކީ ޑާކްރެއިންގެ އެންމެ ކާމިޔާބު ތަރި މަރިޔަމް މަޖުދާ (މަޖޫ) އެވެ. މީ ޝަރަފާއި މަޖޫގެ ޖޯޑު ބޮޑު ސްކްރީނުން އެކުގައި ފެންނަ ފުރަތަމަ ފަހަރު އެވެ.
މި ފިލްމުގެ ކާސްޓުންގެ ލިސްޓުގައި ޝީލާ ނަޖީބާއި އަހުމަދު ސައީދުގެ އިތުރުން އަބްދުﷲ ޝާފިއު (ފުބޫ) ހިމެނެއެވެ. އަދި ފިލުމުގައި ހާއްސަ ފެނިލުމަކުން ކުރީގެ ތަރި އިސްމާއިލް ވަޖީހުވެސް ފެނިގެންދާނެކަމަށް ޑާކްރެއިނުން ބުނެ އެވެ.
"ބިބީ" އަކީ ޑާކް ރެއިނުން މި އަހަރު ރިލީޒްކުރާ ދެވަނަ ފިލްމެވެ. ޑްކެރެއިނުން މިއަހަރު ނެރުނު އެކްޝަން ތުރިލާ "ފުރޭތަ" ވެސް ގިނަ ބަޔަކަޑް ވަނީ ކަމުގޮސްފަ އެވެ.