ads
އެމްޑީޕީގެ ރައީސް އަބްދުﷲ ޝާހިދު
މީޑިއާ ކައުންސިލް ނުފޫޒެއްނެތި މަސައްކަތް ކުރާނެކަމަށް އުއްމީދުކުރަން: ޝާހިދު
ނުފުޒޫތަކުން އެއްކިބާވެ މޯލްޑިވްސް މީޑިއާ ކައުންސިލް މަސައްކަތް ކުރާނެކަމަށް އުއްމީދުކުރައްވާކަމަށް އިދިކޮޅު އެމްޑީޕީގެ ރަައީސް އަބްދުﷲ ޝާހިދު ވިދާޅުވެއްޖެއެވެ.
Advertisement
މޯލްޑިވްސް މީޑިއާ ކައުންސިލްގެ މިދިޔަ ދައުރު ހަމަވެ އާ ދައުރަށް މެމްބަރުން އިންތިހާބުކޮށް ކައުންސިލްގެ ރައީސާއި ނައިބު ރައީސްގެ މަގާމު ވަނީ ހޮވާފައެވެ. 

ކައުންސިލްގެ ރައީސަކަށް އިންތިހާބުކުރީ ތިލަދުން އޮންލައިންގެ ހުސެން ސަގީފްއެވެ. ކައުންސިލްގެ ނައިބު ރައީސަކަށް އިންތިހާބުކުރީ އާންމުންގެ ފަރާތުން ކައުންސިލަށް އިންތިހާބުވި އިބްރާހިމް މުހައްމަދެވެ.

your imageމޯލްޑިވްސް މީޑިއާ ކައުންސިލްގެ 08 ވަނަ ދައުރުގެ ބައެއް މެމްބަރުން 

އެމްއެމްސީގެ އާ ދައުރުގެ ރާއިސާ ނައިބު ރައީސް އިތުރުން އާ ދައުރަށް ހޮވުނު މެމްބަރުންނަށް އިދިކޮޅު އެމްޑީޕީގެ ރައިސް އަބްދުﷲ ޝާހިދުވަނީ މަުހަބާ ދަންނަވާފައެވެ. ޝާހިދު އެކްސްގައި ކުރެއްވި ޕޯސްޓެއްގައި ވިދާޅުވީ ގިނަ އަދަދެއްގެ ޒުވާން މެމްބަރުން އައު ކައުންސިލްގައި ހިމެނިގެން ދިޔުމަކީ އުއްމީދީ މަންޒަރެއްކަމަށެވެ. އަދި މިހާރު ނޫސްވެރިންނަށް ގޮންޖެހުންކަން ހުރިކަން ފާހަގަކުރައްވަމުން ޝާހިދު ވަނީ މީޑިއާ ކައުންސިލްގެ އާ ދައުރުން ނުފޫޒުން އެއްކިބާވެ ތިބެ މަސައްކަތް ކުރުމަށް ގޮވާލާފައެވެ. 

" މީޑިއާގެ މިނިވަންކަމަށް އެތައް ގޮންޖެހުންތަކެއް ކުރިމަތިވެފައިވާ މި ދަނޑިވަޅުގައި، މީޑިއާގެ މިނިވަންކަން ދަމަހައްޓައި، މީޑިއާތަކަށާއި ނޫސްވެރިންނަށް ދިމާވާ ގޮންޖެހުންތަކުން އަރައިގަތުމަށް، ނުފޫޒުތަކުން އެއްކިބާވެ ތިބެ އެމްއެމްސީގެ މި ދައުރުގައި މަސައްކަތް ކުރައްވާނެކަމަށް އުއްމީދުކުރަން." ކައުންސިލްގެ އާ ދައުރަށް މަރުހާބާ ދަންނަވާ ޝާހިދު އެކްސްގައި ކުރެއްވި ޕޯސްޓްގައިވެއެވެ.

މީޑިއާ ކައުންސިލްގައި ހިމެނީ މީޑިއާތައް ތަމްސީލު ކުރާ އަށް މެންބަރުންނާއި އާންމުންގެ ތެރެއިން ހަތް މެންބަރުންނާ އެކު ޖުމަލް 15  މެންބަރުންނެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް