ads
ރ. އަލިފުށި:. -- ފޮޓޯ: އައިލްސް.އެމްވީ
އަލިފުށީގައި އައިޑީ ކާޑު ހެދުމުގެ ހިދުމަތް އަލުން ފަށައިފި
އަލިފުށީގައި އައިޑީ ކާޑު ހެދުމަށް ހުށަހެޅުމުގެ ހިދުމަތް މިއަދުން ފެށިގެން އަލުން ފަށައިފި އެވެ.
Advertisement

މި ހިދުމަތް ދޭން ފަށާފައި މިވަނީ ޑިޕާޓްމަންޓް އޮފް ނެޝަނަލް ރަޖިސްޓްރޭޝަން (ޑީއެންއާރު) އިން ހުއްދަ ދިނުމާ ގުޅިގެންނެވެ.

އަލިފުށީ ކައުންސިލުން ބުނީ މި ހިދުމަތް ކުރިން ވެސް ދެމުން އައި ނަމަވެސް، އޮންލައިންކޮށް އައިޑީ ކާޑަށް އެޕްލައި ކުރުމުގެ ފުރުސަތު ހުޅުވާލުމާ ގުޅިގެން ވަނީ މެދުކެނޑިފައި ކަމަށެވެ. އަދި މިހާރު މި ހިދުމަތް ލިބޭނީ ރަސްމީ ދުވަސްތަކުގެ ހެނދުނު 9:00 އިން މެންދުރު 12:00 އަށް ކަމަށް އެ ކައުންސިލުން މައުލޫމާތު ދިން އެވެ.

ރައީސް ޑރ. މުހައްމަދު މުއިއްޒުގެ ވައުދެއްގެ ގޮތުގައި ރާއްޖޭގެ މީހުން ދިރިއުޅޭ ކޮންމެ އަތޮޅަކުން ނުވަތަ އަތޮޅުވެރިކަން ކުރާ ރަށަކުން އައިޑީ ކާޑުގެ ހިދުމަތް ފޯރުކޮށްދިނުން ހިމެނެ އެވެ. މި ހިދުމަތް ދިނުމަށް ބޮޑު ހޭދައެއް ކުރަން ޖެހޭއިރު، އެކަމަށް ބޭނުންވާ މެޝިނަރީޒް ލިބެމުންދާ ވަރަކުން ހިދުމަތް ދިނުމަށް ދާހިލީ މިނިސްޓްރީން އަންނަނީ މަސައްކަތް ކުރަމުންނެވެ.

ޑީއެންއާރުން މިދިޔަ އަހަރުގެ މާރިޗު މަހު ވަނީ އާ އޮންލައިން ޕޯޓަލްއެއް ގާއިމުކޮށް، އަމިއްލައަށް ކާޑަށް ހުށަހެޅޭނެ ގޮތް ހަދައިދީފައެވެ. އަދި ކާޑު ޕްރިންޓުކުރުމަށް ފަހު، އެ މީހަކު ހުރި ރަށެއްގެ ކައުންސިލަށް ކާޑު ފޮނުވޭނެ ހިދުމަތް ވެސް ތައާރަފްކޮށްފައި ވެއެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް