ads
މިސްކިތެއްގައި ކުޑަކުއްޖަކު ޤުރުއާން ކިޔަވަނީ. ފޮޓޯ: މިހާރު
500 އަށްވުރެ ގިނަ ދަރިވަރުން ބައިވެރިވި އުލޫމުލް ގުރުއާން މުބާރާތުގެ ވަނަތައް ހާމަކޮށްފި
ގުރުއާން ކިޔަވައިދިނުމުގެ ދާއިރާގައި 11 އަހަރު ވަންދެން މަސައްކަތްކުރަމުން އަންނަ އުލޫމުލް ގުރުއާނުން އެ މަރުކަޒުގެ އަހަރީ އިނާމު ދިނުމުގެ ހަފްލާ ރޭ ބާއްވައިފި އެވެ.
Advertisement

މާލޭގެ ދެ ސަރަހައްދެއްގައި ކްލާސްތައް ހިންގަމުން އަންނަ އުލޫމުލް ގުރުއާނުން އިސްކޮށް ހަރަކާތްތެރިވާ އައިޝަތު ޝާފިޔާ ވިދާޅުވި ގޮތުގައި އަހަރީ އިނާމު ދިނުމުގެ ހަފްލާގައި ދަރިވަރުންނާއި މުދައްރިސުންނަށް އެކި ބައިތަކުން އެވޯޑު ދީފައިވެ އެވެ. އެގޮތުން ހަތިމް ނިންމާ ދަރިވަރުންނާއި، ގުރުއާން ހިތުދަސްކުރާ ދަރިވަރުންނާއި، ކޮންމެ ކުލާހަކުން އެންމެ މޮޅު ދަރިވަރުންނަށް އެވޯޑު ދީފައިވެ އެވެ.

މި އަހަރުގެ ހަފްލާގައި އާ ކަމެއްގެ ގޮތުގައި މުދައްރިސުންނަށް ވެސް އެވޯޑު ދީފައިވެ އެވެ. އެގޮތުން އެންމެ ހާޒިރީ ރަނގަޅު މުދައްރިސުންގެ ގޮތުގައި ބަދޫރާ ހާމިދު އާއި، ޝިފާޒާ ހުސައިން އަދި ފާތިމަތު ސައީދާގެ އިތުރުން ޝަޒިއްޔާ އަލީ ހޮވިފައިވެ އެވެ. އަދި އެންމެ ގިނަ ދުވަހު ހިދުމަތްކުރި މުދައްރިސްގެ އެވޯޑު ޝިފާޒާ ހުސައިން ހާސިލުކުރި އެވެ.

މީގެ އިތުރުން 500 އަށް ވުރެ ގިނަ ދަރިވަރުން ބައިވެރިވި އުލޫމުލް ގުރުއާން މުބާރާތުގެ ވަނަތައް ވެސް މި ހަފްލާގައި އިއުލާނުކޮށް، އިނާމު ދީފައިވެ އެވެ. މުޅި މުބާރާތުން އެއްވަނަ ހާސިލުކުރީ މުހައްމަދު އާޔަން މަމްދޫހެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް