އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސޮއިކުރައްވާފައިވާ މި ސާކިއުލާ ވަނީ ހުރިހާ ލޯކަލް ކައުންސިލްތަކަށް ފޮނުވާފައެވެ. މި ސާކިއުލާގައި ބަޔާންކޮށްފައިވާ ގޮތުގައި ބިދޭސީންނާއި ޓޫރިސްޓުން ގެންނަ ފަރާތްތަކުން، ރާއްޖޭގެ ދީނީ އެއްބައިވަންތަކަން ހިމާޔަތްކުރުމުގެ ގާނޫނާއި ގަވާއިދުތަކަށް އަހުލުވެރިކުރުވަން ޖެހެއެވެ.
ގެސްޓްހައުސް ހިންގާ ފަރާތްތަކުން ޓޫރިސްޓުންނަށް އިޖުތިމާއީ މިންގަނޑަށް ފެތޭގޮތަށް ހެދުން އެޅުމަށް އިރުޝާދު ދިނުމަށްވެސް މިނިސްޓްރީން ވަނީ އަންގާފައެވެ. އަދި އާންމު ތަންތަނުގައި އެހެން ދީންތަކުގެ ޝިއާރު ފާޅުކުރުމާއި، ޖަމާއަތް ހަދައިގެން ދީނީ ހަރަކާތްތައް ހިންގުމާއި، އެފަދަ ކަންކަމުގައި ދިވެހިން ބައިވެރިކުރުވުމަކީ މަނާކަމެއްކަންވެސް ސާކިއުލާގައި ފާހަގަކޮށްފައިވެއެވެ.
• އެހެން ދީންތަކުގެ ޝިއާރު ފާޅުކުރުމާއި ދީނީ ހަރަކާތްތައް ހިންގުން މަނާ
• ބިދޭސީންނާއި ޓޫރިސްޓުންނަށް ދީނީ އިރުޝާދު ދިނުމަކީ އެމީހުން ގެންނަ ފަރާތްތަކުގެ ޒިންމާއެއް
• ގެސްޓްހައުސްތަކުގައި އިޖުތިމާއީ މިންގަނޑަށް ފެތޭގޮތަށް އުޅުމަށް އިރުޝާދު ދޭންޖެހޭ
