ވިޔަފާރިވެރިޔާ އަހުމަދު ސިޔާމް (ސަން ސިޔާމް) އަށް ތުހުމަތުކުރެވޭ އަނިޔާގެ މައްސަލައިގައި އޭނާގެ އެންމެ ހަނގު އަނބިކަނބަލުން ބ. ކަމަދޫއަށް އުފަން، އާމިނަތު ޒާރާ ދޮގުކޮށް، ސިޔާމްގެ ދިފާއުގައި ވާހަކަދައްކައިފިއެވެ.
Advertisement
ސޯޝަލް މީޑިއާގައި ދައުރުވަމުންދާ ޕޯސްޓަކާ ގުޅިގެން އިންސްޓަގްރާމް ސްޓޯރީއެއްގައި ޒާރާ ބުނީ ސިޔާމަކީ އެއްވެސް މީހަކަށް، ވަކިން ހާއްސަކޮށް އަންހެނަކަށް އަނިޔާއެއް ކުރާނެ މީހެއް ނޫން ކަމަށެވެ.
"ސިޔާމަކީ މަންމަ ދެކެ ވެސް ވަރަށް ބޮޑަށް ލޯބިވާ މީހެއް،" ކަމަށް ވެސް ޒާރާ ފާހަގަކުރިއެވެ.
ސިޔާމްގެ ނަޒާހަތްތެރިކަމާމެދު ސުވާލު އުފެދިދާނެ ކަމަށް ބުނި ނަމަވެސް، އެއީ އޭނާގެ ކިބައިން ނިގުޅައިގަނެވޭނެ ސިފައެއް ނޫންކަމަށް ޒާރާ ބުނެފައިވެއެވެ. މި ދެމަފިރިން ކައިވެނިކުރީ މިދިޔަ އޮކްޓޯބަރު 10 ވަނަ ދުވަހުއެވެ. އަދި ކައިވެނީގެ ހަފްލާ ބާއްވާފައިވަނީ ސިޔާމްގެ އޮޅުވެލި ރިސޯޓާއި ޒާރާގެ އުފަން ރަށް ކަމަދޫގައެވެ.
- ސިޔާމް އަނިޔާކުރި ކަމަށް ބުނާ ވާހަކަތައް ޒާރާ ވަނީ ދޮގުކޮށްފަ
- ސިޔާމަކީ އަންހެނުންނަށް އަނިޔާކުރާނެ މީހެއް ނޫންކަމަށް ޒާރާ ބުނެފައިވޭ
- ސިޔާމަކީ މަންމަ ދެކެ ވަރަށް ލޯބިވާ މީހެއްކަން ޒާރާ ފާހަގަކޮށްފައިވޭ
- ސިޔާމްގެ ނަޒާހަތްތެރިކަމަކީ ނިގުޅައިނުގަނެވޭނެ އެއްޗެއްކަމަށް ޒާރާ ބުނެފައިވޭ
- މި ދެމަފިރިން ކައިވެނިކުރީ އޮކްޓޯބަރު 10 ގަ
