ފިޝަރީޒް މިނިސްޓްރީން ބުނީ މި މަހުގެ ހަތް ވަނަ ދުވަހުން ފެށިގެން އެސްޑީއެފްސީ ޕޯޓަލް މެދުވެރިކޮށް އާރްއެސްޑަބްލިއު ފައިނޭންސިން ފެސިލިޓީއަށް އެދި ހުށަހެޅުމުގެ ފުރުސަތު އަލުން ހުޅުވާލާނެ ކަމަށެވެ.
މިނިސްޓްރީން ބުނެފައިވާ ގޮތުގައި މި މަޝްރޫއުގެ ދަށުން 700،000ރ. އިން ފެށިގެން 2،000،000ރ. އާ ހަމައަށް ލޯނު ދޫކުރާނެ ކަމަށެވެ.
މި ލޯނު ދެއްކުމަށް 10 އަހަރުގެ މުއްދަތެއް ދޭއިރު، އާރްއެސްޑަބްލިއު ސިސްޓަމާއި ޖަނަރޭޓަރާއި ސޯލާ ގަތުމަށް ހޭދަކުރާ އަގުގެ 35 ޕަސެންޓް އޮޑިވެރިން އަނބުރާ ދައްކާކަށް ނުޖެހޭނެ އެވެ.
އާރްއެސްޑަބްލިއު ސިސްޓަމާއި ޖަނަރޭޓަރާއި ސޯލާ ގަތުމަށް ހޭދަކުރާ އަގުގެ 35 ޕަސެންޓް އޮޑިވެރިން އަނބުރާ ދައްކާކަށް ނުޖެހޭނެ އެވެ.
އިސްލާމީ ޝަރީއާ ހުއްދަ ކުރާ ހަމަތަކުގެ މަތިން ތަކެތި ގަތް އަގާއި އަގަށް ފައިދާގެ ގޮތުގައި ލާ މިންވަރު ކަނޑައަޅައިގެން ދޫކުރަން ނިންމާފައިވާ މި ލޯނަށް ހަ މަސްދުވަހުގެ ގްރޭސް ޕީރިއަޑެއްވެސް ލިބޭނެ ކަމަށް ފިޝަރީޒް މިނިސްޓްރީން ބުނެ އެވެ.
