އެންޑީއެމްއޭ އިން މިއަދު ހާމަކުރި މައުލޫމާތުގައިވާ ގޮތުން، މާލޭގައި 500 އަށްވުރެ ގިނަ ތަނަކަށް ފެން ވަދެ، 774 ތަނަކުން އެކި ބާވަތުގެ އެހީތެރިކަމަށް އެދިފައިވެއެވެ.
މާލޭގައި ފެންބޮޑުވުމުގެ ސަބަބުން 36 ގެއެއްގެ 226 މީހަކަށް ވަގުތީ ބޯހިޔާވަހިކަމާއި ކެއިންބުއިމުގެ އެހީތެރިކަން ފޯރުކޮށްދޭން ޖެހުނެވެ. އަދި 554 ތަނަކުން ވެލި ބަސްތާ ޖެހުމަށް އެދިފައިވާ ކަމަށް އެންޑީއެމްއޭ އިން ބުންޏެވެ.
ރާއްޖޭގެ އެހެން ރަށްތަކަށް ބަލާއިރު، އެންމެ ބޮޑު ގެއްލުމެއް ލިބިފައިވަނީ ފ. ނިލަންދޫ އަށެވެ. އެ ރަށުގެ 80 ޕަސަންޓު ސަރަހައްދުގައި ފެންބޮޑުވިއެވެ. ކ. ގުރައިދޫ އާއި ކ. ހިންމަފުށީގައި ވެސް ގިނަ އަދަދެއްގެ ގެތަކަށް ގެއްލުން ލިބުނެވެ.
ދ. ކުޑަހުވަދޫ އާއި ދ. މީދޫގައި 10 ވަރަކަށް ގެއަކަށް ގެއްލުން ލިބުނު އިރު، ފ. މަގޫދޫ އާއި ފ. ފީއަލީގައި ބައެއް ގެތަކުން މީހުން ހުސްކުރަން ޖެހުނެވެ. މީގެ އިތުރުން އދ. މާމިގިލީގެ ހަތަރު ގެއަކަށް ބޮޑެތި ގެއްލުންތަކެއް ލިބުނެވެ.
- މާލޭގައި 500 އަށްވުރެ ގިނަ ތަނަކަށް ފެން ވަދެފައިވޭ
- 226 މީހުންނަށް ވަގުތީ ބޯހިޔާވަހިކަން ފޯރުކޮށްދެވުނު
- ފ. ނިލަންދޫގެ 80 ޕަސަންޓު ސަރަހައްދުގައި ފެންބޮޑުވި
- 774 ތަނަކުން އެހީތެރިކަމަށް އެދި ހުށަހެޅި
- ރާއްޖޭގެ 9 ރަށަކަށް އެކި މިންވަރުގެ ގެއްލުން ލިބުނު
