
ރައީސް ޑރ. މުހައްމަދު މުއިއްޒުގެ އިރުޝާދުގެ ދަށުން، ރަށްރަށުގެ ކައުންސިލްތައް މެދުވެރިކޮށް މި މަސައްކަތް ކުރިއަށްދާ ކަމަށް މިނިސްޓަރު އެކްސްގައި ފާހަގަކުރެއްވި އެވެ. އަދި ވިއްސާރައާއި އުދައެރުމުގެ ސަބަބުން ރައްޔިތުންނަށް ދިމާވަމުންދާ ދަތިތަކަށް އަވަސް ހައްލު ހޯދުމަށް މަސައްކަތް ކުރަމުންދާ ކަމަށް ވެސް ވިދާޅުވި އެވެ.
އެމްއެންޑީއެމްއޭ އިން ބުނި ގޮތުގައި މާލެ އިން އެކަނި 774 ތަނަކުން އެހީއަށް އެދިފައިވާއިރު، 36 ގޭބިސީގެ 226 މީހުންނަށް ވަގުތީ ބޯހިޔާވަހިކަމާއި ކެއިންބުއިން ފޯރުކޮށްދީފައިވެ އެވެ. އަދި 53 ގެއެއްގެ ރެޕިޑް އެސެސްމެންޓް ހަދާފައިވާ ކަމަށް އެ އިދާރާއިން ބުންޏެވެ.
މި ވިއްސާރައިގައި އެންމެ ބޮޑު ގެއްލުން ލިބިފައިވަނީ ފ. ނިލަންދޫ އާއި ކ. ހިންމަފުއްޓަށެވެ. ނިލަންދޫގެ 80 ޕަސަންޓް ސަރަހައްދު ފެންބޮޑުވެފައިވާއިރު، ހިންމަފުށީގެ 60 ޕަސަންޓް ސަރަހައްދުވަނީ ފެންބޮޑުވެފައެވެ.