ރައީސް ޑރ. މުހައްމަދު މުއިއްޒު މިއަދު ގދ. ހޯޑެއްދޫގައި ވާހަކަ ދައްކަވަނީ --
ރައީސް ވިދާޅުވަނީ މި އަހަރު ވައުދުތަކުގެ ނަތީޖާ ފެންނަން ފަށާނެ ކަމަށް
އަލީ މިދުހަތު
07 ޖެނުއަރީ 2025 - 12:13:39
މި އަހަރަކީ ވެވަޑައިގެންގައިވާ ވައުދުތައް ފުއްދުމުގެ މަސައްކަތް ފެށި، ރައްޔިތުންނަށް ނަތީޖާތައް ވެސް ފެންނަން ފަށާނެ އަހަރަކަށް ވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
Advertisement
ގދ. ހޯޑެއްދޫއަށް ވަޑައިގެން އެރަށުގެ ރައްޔިތުންނާ މުހާތަބު ކުރައްވަމުން ރައީސް މިއަދު ވިދާޅުވީ މިއަހަރަށް ފާސްކޮށްފައިވާ ދައުލަތުގެ ބަޖެޓުގައި ހިމަނާފައިވާ އަލަށް ފަށާ މަޝްރޫއުތަކުގެ ތެރެއިން އެންމެ އިސްކަމެއް ދީފައި އޮންނާނީ ބޯހިޔާވަހި ކަމުގެ މަޝްރޫއުތަކަށް ކަމަށެވެ.
އެހެންކަމުން ކެމްޕޭނު ތެރޭގައި އިއުލާނުކޮށްފައި ހުރި ހުރިހާ ހައުސިން މަޝްރޫއެއް މިމަހުގެ ތެރޭގައި ބިޑަށްލައި، ކޮންޓްރެކްޓަރުން ހޯދުމުގެ މަސައްކަތް ކުރިއަށް ގެންދިއުމަށް ފިނޭންސް މިނިސްޓަރަށް ދަންނަވާފައިވާނެ ކަމަށް ރައީސް ވިދާޅުވި އެވެ.
"ޖުމްލަކޮށް އަޅުގަނޑުވީ ހުރިހާ ވައުދެއް ފުއްދަދޭނެކަމުގެ ޔަގީންކަން ދެމުން އަޅުގަނޑު ދަންނަވާލަން ބޭނުންވަނީ މި ރަށުގެ ރައްޔިތުންނަށް ވެސް އަދި މަޑަވެލިވެސް އަދި މި ދާއިރާވެސް އަދި ޖުމްލަކޮށް މުޅި ރާއްޖޭގެ ހުރިހާ ރައްޔިތުންނަށް ވެސް، އަޅުގަނޑުވީ ހުރިހާ ވައުދަކީ ފުއްދުމަށްވީ ވައުދުތަކެކޭ، ސަމާލުކަންދޭ ވައުދުތަކެކޭ، ސަރުކާރުން އެންމެ އިސްކަން ދޭނީ ވައުދުތައް ދުއްދަންށޭ،" ރައީސް ޔަގީންކަން އެރުއްވި އެވެ.
އެ މަނިކުފާނު ވިދާޅުވީ ބޭނުންވެވަޑައިގަންނަަވަނީ ރައްޔިތުން ބޭނުންވާ ކަންކަން، ބޭނުންވާ ގޮތަށް ކޮށް ދެއްވަން ކަމަށެވެ. އަދި އެގޮތުގައި ސަރުކާރު ސާބިތުގެ އޮންނާނެ ކަމަށް ވިދާޅުވި އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
