"މަތީ ތައުލީމާއި ތަމްރީނުގެ ގާނޫނު" ގެ ދަށުން ރާއްޖޭގައި މަތީ ތައުލީމާއި ތަމްރީނުދޭ މަރުކަޒުތައް ހިންގޭނީ ހަޔާ އެޑިއުކޭޝަން މިނިސްޓްރީގައި ރަޖިސްޓާ ކުރުމަށް ފަހުގަ އެވެ. މިއަދާ ހަމައަށް ރީ-ރަޖިސްޓާ ކޮށްފައިނުވާ 101 މަރުކަޒެއްގެ ނަން ހިމެނޭ ލިސްޓެއް އެ މިނިސްޓްރީން ވަނީ އެމްކިއުއޭ އަށް ހިއްސާ ކޮށްފައި ކަން އެ އޮތޯރިޓީން ފާހަގަކުރެއެވެ.
އެހެންކަމަށްވުމާއެކު ކޮލެޖްތަކާއި އިންސްޓިޓިއުޓްތަކުގެ ދަފްތަރުގައި ރަޖިސްޓާ ކޮށްފައިނުވާ މަރުކަޒުތަކުގެ ލިސްޓްގައި ހިމެނޭ 101 މަރުކަޒަކުން ކުރިން ހުއްދަދީގެން ހިންގަމުން އައި ޕްރޮގްރާމްތައް ހިންގާ ޕްރޮގްރާމްތައް މިއަދުން ފެށިގެން "މަތީ ތައުލީމާއި ތަމްރީނުގެ ގާނޫނު" ގެ 21 ވަނަ މާއްދާގެ (ބ) ގެ ދަށުން ގާބޫލުނުކުރާނެކަމަށް އެމްކިއުއޭއިން ބުނެ އެވެ.
އޭގެ އިތުރުން އެމްކިއުއޭގެ ވެބްސައިޓްގައި ހިމެނޭ "ޕްރޮގްރާމް އެކްރެޑިޓޭޝަން" ބައި ގައިވާ "ޕްރީވިއަސްލީ އެޕްޕްރޫވްޑް ޕްރޮގްރާމްސް" ލިސްޓްގައި ވާ މަރުކަޒުތަކާއި ދިމާލުގައި އެކަން ފާހަގަކޮށް ވެބްސައިޓްގައި ޝާއިއު ކުރެވޭނެ ކަަމަށް އެ އޮތޯރިޓީން މައުލޫމާތުދެ އެވެ.
- ލިސްޓް ޝާއިއުކޮށްފައިވާ އޮތޯރިޓީގެ ވެބްސައިޓްގެ "ލިންކް"
ކުރިން އެޕްރޫވަލް ދީފައިވާ ޕްރޮގްރާމްތަކުން ކިޔަވާފައިވާ އަދި އެމްކިއުއޭ އަށް ބެޗް އޮޑިޓަށް ފޮނުވާފައިވާ ދަރިވަރުންގެ ސަނަދު އޮތޯރިޓީން ގަބޫލުކުރާނެ ކަމަށްވެސް އެމްކިއުއޭއިން ބުނެ އެވެ.
