ޔޫއޭއީގެ ޑެޕިއުޓީ ޕްރައިމް މިނިސްޓަރު އަދި ފޮރިން މިނިސްޓާ ޝެއިހް އަބްދުﷲ ބިން ޒައިދް ދެއްވި ދައުވަތަަކަށް، ފޮރިން މިނިސްޓާ ޑރ.އަބްދުﷲ ހަލީލް އެގައުމަށް ފުރައިވަޑައިގަތީ މިދިޔަ އާދީއްތަ ދުވަހު އެވެ.
ޝެއިހް އަބްދުﷲ ބިން ޒައިދް ވަނީ މިނިސްޓަރު ހަލީލް އަށް މަރުހަބާ ވިދާޅުވެފަ އެވެ. އެގޮތުން ޝެއިހް އަބްދުﷲ ބިން ޒައިދް އާ ބައްދަލުކުރައްވާ މިނިސްޓަރު ހަލީލް ވަނީ ރާއްޖޭން ޔޫއޭއީ އާ ގުޅިގެން މަސައްކަތް ކުރެވޭނެ ދާއިރާތަކާ ބެހޭ ގޮތުން ދެ ބޭފުޅުން މަޝްވަރާކުރައްވާފަ އެވެ.
މަޝްވަރާތަކުގައި ބޮޑަށް އަލިއަޅުވާލާފައިވަނީ ރައްޖެއާއި އާއި ޔޫއޭއީއާ ދެމެދު އޮންނަ ވަރުގަދަ އަދި ގުޅުމުގެ މައްޗަށެވެ. އަދި ވިޔަފާރިއާއި، ފަތުރުވެރިކަމާއި، މަސްވެރިކަމާއި އިއާދަކުރަނިވި ހަކަތައިގެ ގުޅުން އިތުރުކުރުމަށްވެސް ވަނީ ބައްދަލުވުމުގައި މަޝްވަރާކުރައްވާފަ އެވެ.
ޕާޓްނަޝިޕްތައް އިތުރުކުރުމަށް، ދެފަރާތުގެ މަސްލަހަތު ކުރިއެރުވުމަށް ސަމާލުކަންދީ އެއްބާރުލުންދީގެން ކުރިއަށް ގެންދާ މަސައްކަތްތައް ހޯދުމަށް ޔޫއޭއީ ސަރުކާރުގެ އެހެން އިއްޒަތްތެރިންނާ ވެސް މިނިސްޓަރު ހަލީލް ވަނީ ބައްދަލުކުރައްވަން ހަަމަޖެހިފަ އެވެ.
