ރ. އަތޮޅު ފައިނު
ވޯޓު ނުލާ ފައިނު ކައުންސިލްގެ ރައީސް ހޮވިއްޖެ
ގުފްތަގް އަޖީރު
10 ޖެނުއަރީ 2025 - 11:00:30
ރ. ފައިނު ކައުންސިލްގެ ހުސްވެފައިވާ ރައީސްގެ މަގާމަށް އިންތިހާބެއް ބޭއްވުމަކާ ނުލައި މީހަކު ހަމަޖެހިއްޖެއެވެ.
Advertisement
އެގޮތުން އެ މަގާމަށް ހަމަޖެހުނީ ޕީއެންސީގެ ޓިކެޓްގައި ކުރިމަތިލި އަހުމަދު ރިޝްފާނެވެ.
އިލެކްޝަންސް ކޮމިޝަނުން މިއަދު ނެރުނު އިއުލާނެއްގައި ބުނެފައިވަނީ ކައުންސިލްގެ ރައީސްކަމަށް ކުރިމަތިލުމަށް ހުޅުވާލި ފުރުސަތުގައި އެކަމަށް އެދި ހުށަހަޅާފައިވަނީ އެންމެ ފަރާތަކުން ކަމަށެވެ. އެހެންކަމުން އިތުރު އިންތިހާބެއް ބޭއްވުމަކާ ނުލައި އެ މަގާމު ރިޝްފާނަށް ލިބިފައިވާ ކަމަށް ކޮމިޝަނުން ބުނެފައިވެއެވެ.
ފައިނު ކައުންސިލްގެ ރައީސްކަމަށް ހޮވުނު އަހުމަދު ރިޝްފާނަކީ މިހާރު ފެނަކަ ކޯޕަރޭޝަންގެ ފައިނު ބްރާންޗްގެ މެނޭޖަރުގެ މަގާމު ފުރަމުންދާ ފަރާތެކެވެ. މީގެ ކުރިން މި މަގާމުގައި ހުރި މޫސާ އުމަރުމަނިކު ވަނީ މިދިޔަ އަހަރުގެ ސެޕްޓެމްބަރު 30 ގައި އިސްތިއުފާ ދީފައެވެ. އޭނާ އިސްތިއުފާ ދިނުމުގެ ކުރިން އެމްޑީޕީން ޕީއެންސީއަށް ބަދަލުވެފައިވެއެވެ.
- ފައިނު ކައުންސިލް ރައީސްކަމަށް ކުރިމަތިލީ އެންމެ ފަރާތެއް
- އަހުމަދު ރިޝްފާނަކީ ޕީއެންސީގެ ކެންޑިޑޭޓް
- ރިޝްފާނަކީ ފެނަކަ ބްރާންޗްގެ މެނޭޖަރު
- ކުރީގެ ރައީސް މޫސާ އުމަރުމަނިކު ވަނީ އިސްތިއުފާ ދީފައި
- އުމަރުމަނިކު ވަނީ އެމްޑީޕީން ޕީއެންސީއަށް ބަދަލުވެފައި
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
