މި ގެއަކީ ޑިކެޕްރިއޯ 20 އަހަރު ދިރިއުޅުނު، 10 މިލިއަން ޑޮލަރަށް 2021 ގައި ވިއްކާލި ގެއެކެވެ.
މި ބިޔަ ނުރައްކާތެރި އަލިފާނުގެ ހާދިސާގައި މިހާތަނަށް 10،000 އަށް ވުރެ ގިނަ އިމާރާތް ހަލާކުވެ، 13،750 ހެކްޓަރުގެ ސަރަހައްދެއް އަނދައިގެން ގޮސްފައިވެއެވެ. އަދި މަދުވެގެން 10 މީހުން މަރުވެފައިވާ ކަމަށް މައުލޫމާތު ލިބެއެވެ.
ޑިކެޕްރިއޯގެ އިތުރުން، ބިއޮންސޭގެ މަންމަ ޓީނާ ނޯލްސް އަދި އާރް އެންޑް ބީ ލަވަވެރިޔާ ޖެނޭ އައިކޯގެ ގެވެސް މި ހާދިސާގައި އަނދައިގެން ގޮސްފައިވެއެވެ. މީގެ އިތުރުން ބިލީ ކްރިސްޓަލް، އެންތަނީ ހޮޕްކިންސް އަދި ޔުޖީން ލެވީ ފަދަ މަޝްހޫރު ތަރިންގެ ގެތައްވެސް ހަލާކުވެފައިވެއެވެ.
އޮފިޝަލުން ބުނާ ގޮތުގައި މި ހާދިސާގެ އެންމެ ނުރައްކާތެރި ވަގުތު އަދި ކުރިއަށް އޮތީއެވެ. ގަދަ ވައި އަދި ހޫނު މޫސުމާއެކު އަލިފާން ނިއްވުމުގެ މަސައްކަތަށް ދަތިތަކާ ކުރިމަތިވަމުންދާ ކަމަށް އޮފީހުން ބުނެފައިވެއެވެ
