އާޒިމް މިހެން ވިދާޅުވީ މާފަންނު ސަހަރާ ހުސްކުރުމުގެ މަސައްކަތް ބަޔަކާއި ހަވާލުކޮށްގެން މާލޭ ސިޓީ ކައުންސިލުން ކުރަމުން އަންނައިރު އެ ސަރަހައްދުގައި ހުރި ސްޓޯމްވޯޓާ ޕަމްޕް ސްޓޭޝަނަށް ގެއްލުންތަކެއް ލިބިފައިވާ ކަމަށާއި އެއީ ގަސްދުގައި ކޮށްފައިވާ ކަމެއްކަމަށް ބެލެވޭކަމަށް މިނިސްޓަރު މުއްތަލިބް ވިދާޅުވުވުމުން އެކަމާއި ރައްދުދެއްވާ އެކްސްގައި ކުރެއްވި ޕޯސްޓެއްގައެވެ.
އާޒިމް ވިދާޅުވީ މާފަންނު ގަބުރުސްތާނުގެ ސްޓޯމްވޯޓާ ޕަމްޕް ސްޓޭޝަނަށް ލިބުނު ގެއްލުމާ ގުޅިގެން އުފެދުނު ކަންބޮޑުވުންތައް ގަބޫލުކުރާކަމަށާއި އެހެންނަމަވެސް އެ ހާދިސާ ހިނގިއިރު އެ ސްޓޭޝަނުގައި ބަހައްޓާފައި ހުރި ކަރަންޓް ސާމާނުތައް ފަޅާލައި، އެ އާލާތްތައް ބޭނުން ނުކުރެވޭކަމަށެވެ. އަދި އެ ސްޓޭޝަންގެ ހިދުމަތް ނުލިބޭތާ ފަސް މަސްވެފައިވާކަމަށްވެސް އާޒިމް ވިދާޅުވިއެވެ. އަދި އެކަން މިނިސްޓަރު މުއްތަލިބްގެ ސަމާލުކަމަށް ގެނައިކަން ހާމަކުރައްވާ މިނިސްޓަރަަށް ފޮނުވި ސިޓީގެ ކޮޕީއެއް އާޒިމް ވަނީ އއކްސްގައި ހިއްސާކުރައްވާފައެވެ.
މިދިޔަ ޑިސެމްބަރު މަހު 25، ގައި މިނިސްޓަރު މުއްތަލިބަށް އާޒިމް ފޮނުއްވި ސިޓީގައި ޕަމްޕް ސްޓޭޝަން މެއިންޓެއިންކޮށް ބެލެހެއްޓުމަށް އެމްޑަބްލިއުއެސްސީއާ ހަވާލުކޮށްފައިވާ އެއްބަސްވުން ހަމަވެ، އެތަން ބަލަހައްޓާނެ ބަޔަކު ނެތްކަން ވަނީ ފާހަގަކޮށްފައެވެ.
ޕަމްޕް ސްޓޭޝަންތައް ހަރުކުރުމަށް އަޅަންޖެހޭ ފިޔަވަޅުތައް އަޅާ ދިނުމަށްވެސް އާޒިމްގެ ސިޓީގައި ވަނީ އެދިވަޑައިގެންފައެވެ.
