ޕޮލިޓެކްނިކްގައި ކުރިއަށްގެންދާ މިދަފަ ހުރިހާ ކޯސްތަކަކީ އެއްވެސް ފީއަކާއި ނުލައި، މުޅިން ހިލޭ ކުރިއަށްގެންދާ ކޯސްތަކެއްކަމަށް އެ ތަނުން ބުނެ އެވެ.
އެގޮތުން، ވަޑާންކުރުން، ކަރަންޓު މަސައްކަތް، ދަނޑުވެރިކަން، ކޭކް ޑެކްރޭޝަން، ފެޝަން ޑިޒައިނިން ފަދަ ރާއްޖެއަށް ބޭނުންވާ މަސައްކަތްތެރިކަމުގެ ދާއިރާތަކުން ޒުވާނުން ބިނާކުރުމަށް ޕޮލިޓެކްނިކުން ދަނީ ސެޓްފިކެޓް ލެވެލް 3 ން ފެށިގެން ޑިޕްލޮމާއާއި ހަމައަށް އެކި ކޯސްތައް ކުރިއަށްގެންދަމުން ކަމަށް އެފަރާތުން ފާހަގަކުރެ އެވެ.
ޕޮލިޓެކްނިކްގެ 2025 ވަނަ އަހަރުގެ ޖެނުއަރީ މަހުގެ އިންޓޭކްގައި ބައިވެރިވުމަށް މި ލިންކު މެދުވެރިކޮށް ކޯސްތަކަށް ހުށަހެޅުމުގެ ފުރުސަތު ވަނީ ހުޅުވާލެވިފަ އެވެ.
މި ކޯސްތަކާއި ގުޅޭ އިތުރު މައުލުމާތު ހޯއްދެވުމަށ ވެބަސައިޓް http://www.polytechnic.edu.mv/ މެދުވެރިކޮށް އަދި 3000930 އަށް ގުޅައިގެން ލިބިގެންދާނެކަމަށް ޕޮލިޓެކްނިކުން ބުނެ އެވެ.
