"ސީއެންއެމް" އަށް މައުލޫމާތު ދެމުން ކުރިނބި ކައުންސިލްގެ ރައީސް އަބްދުﷲ އަސްލަމް ވިދާޅުވި ގޮތުގައި އެ ރުނބާ ފެނުނީ މި މަހުގެ 15 ވަނަ ދުވަހު އެ ރަށު މީހެއް އަތިރި މައްޗަށް ގޮސް އުޅުމުގެ ތެރޭގައި ކަމަށެވެ.
ރަށުގެ ދެކުނު ފަރާތު، ދެފަސް ބެދޭ ހިސާބެއްގައި ،ކަޅު ވެއްޔާ ދޮން ވެލި ހުންނަ ހިސާބުގައި ، އެމީހާއަށް ފުރަތަމަ ފެނުނީ ފަސްގަނޑުމަތިން ރުނބާގެ އެއްފަޅި ކަމަށް ކައުންސިލް ރައީސް ވިދާޅުވިއެވެ. އަދި އެއީ އެއްކޮށް އިން ރުބަގައެއް ކަން އެނގުނީ ފެނިގެން ނަގަން އުޅުމުގެ ތެރޭގައި ކަމަށާއި 3 މީހެއްގެ އެހީތެރިކަމާއެކީގައި އޭތި ނަގައި މިދިޔަ ބުރާސްފަތި ދުވަހު ރުނބާ ކައުންސިލްގެ ބެލުމުގެ ދަށަށް ގެެނެސްފައިވާކަމަށް ކުރިނބި ކައުންސިލް ރައީސް އަސްލަމް ވިދާޅުވި އެވެ.
ކުުރިނބި އަތިރިމަތިން ނެގި ބޮޑު ރުނބާ
ރުނބާތެރޭގައި ހުރި ސައި އަޅާ ޓީޕޮޓް އެއް
މިހާރު އޮންނާނީ އެތަކެއްޗާ ބެހޭގޮތުން ހެރިޓޭޖް މިނިސްޓްރީއާ ވާހަކަ ދައްކާފައި ކަމަށާއި މާދަމާއަށް ރަސްމީ ލިޔެކިޔުމުގެ މަސައްކަތް ނިންމާލެވޭނެ ކަމަށް އަސްލަމް ވިދާޅުވި އެވެ. އަދި އެމަސައްކަތް ނިންމާލުމަށްފަހު، ރުނބާގައި ހުރި ތަކެތީގެ އަސްލު އުމުރު ދެނެގަތުމަށްޓަކއި އޭގެން ސާމްޕަލް މާލެއަށް ފޮނުވާގޮތަށް ވާހަކަ ދެކެވިފައި ވާނެކަމަށްވެސް އަސްލަމް ވިދާޅުވި އެވެ.
