ads
ރޯދައަށް ބަހާ މަސްދަޅުން 40 ގްރާމް މަސް އުންޏެއް ނުވާނެ: މިފްކޯ
ރޯދައަށް ބަހާ މަސްދަޅުން 40 ގްރާމް މަސް މަދުކުރާކަމަށް ބުނާ ވާހަކަތައް މިފްކޯއިން ދޮގުކޮށްފިއެވެ.
Advertisement

އަންނަ ރޯދަމަހު ދިވެހި ކޮންމެ ގޭބިސީއަކަށް މަސްދަޅު ކޭހެއް ސަރުކާރުން ހިލޭ ދޭން ނިންމާ އެކަން ރައީސް ޑރ. މުހައްމަދު މުއިއްޒު އިއުލާންކުރެއްވީ މި ސަރުކާރަށް އެއް އަހަރު ފުރުމުގެ މުސާސަބަތުގައި ބޭއްވި ޖަލްސާގައި ވާހަކަ ދައްކަވަމުންނެވެ. އެއާއި އެކު މިފްކޯއިން ވަނީ ކޮންމެ ގޭބިސީއަކަށް ދޭނީ 48 ދަޅުގެ ތޮތޮ މަސް ކޭހެއްކަމަށް ބުނެފައެވެ.

މިފްކޯއިން ރޯދަމަހު ގޭބިސީތަކަށް ދޭ މަސްދަޅު ކޭހުން ކޮންމެ ދަޅަކުން 40 ގްރާމް މަސް މަދުކުރާކަމަށް ބުނެ ސޯޝަލް މީޑއާގައި ދަނީ އެވާހަކަތައް ފަތުރަމުންނެވެ. އެކަމާއި ގުޅިގެން މިފްކޯއިން އެކްސްގައި ކުރި ޕޯސްޓެއްގައި ބުނީ ރައީސްގެ ވައުދުފުޅާ އެއްގޮތަށް ރޯދަޔަށް ގޭބިސީތަކަށް ހިލޭ ބަހާ މަސްދަޅުން 40 ގްރާމް މަސް އުންޏެއް ނުވާނެ. ފަތުރަމުން ދަނީ ދޮގު ވާހަކަތަކެއް ކަމަށެވެ. 

އަދި މީހާރު ބޭނުންކުރަމުންދާ މަސްދަޅުތައްގެ ސައިޒް ކުޑަކުރުމަށްފަހު ބާޒާރަށް ނެރުނީ މަސްދަޅު ކެނޑުމަށްފަހު ފްރިޖުގައި ބެހެއްޓުން ރަނގަޅު ކަމަކަށް ނުވާތީ އެއް ފަހަރު ބޭނުންކުރެވޭ އެއްޗެއް ހެދުމުގެ ގޮތުންކަމަށެވެ. 

" 140g ބާޒާރަށް ނެރުނީ ކުދި ގޭބިސީތަކަށް އަދި އެއްފަހަރު ބޭނުންކުރެވޭ އެއްޗެއްގެ ގޮތުގައި. މަސް ދަޅު ފްރިޖު ކުރުމަކީ ރަނގަޅު ކަމަކަށް ނުވާތީ." މިފްކޯއިން އެކްސްގައި ކުރި ޕޯސްޓްގައިވެއެވެ.

މި ފްކޯއިން ވަނީ މަސްދަޅުގެ ސައިޒް ކުޑަކޮށް 140g މަސްދަޅު ބާޒާރަށް ނެރެ ވިއްކަން ފަށާފައެވެ. މީގެ މަސްދަޚުގެ އަގަކީ ވަކިން ދަޅެއް 15 ރުފިޔާއެވެ. ކޭހެއް ވިއްކަނީ 700 ރުފިޔާއަށެވެ. މީ ކުރިން ހުރި ބާޒާރުގައި ހުރި 180 ގްރާމްގެ މަސްދަޅަށް ވުރެ 2.50 ލާރި އަގު ހެޔޮ އަދަދެކެވެ. 

މިފްކޯއިން ބުނީ ރޯދަ މަހަށް ކޮންމެ ގޭބިސީއަކަށް 48 ދަޅުގެ މަސްކޭހެއް ދޫކުރުމަށް މިހާރު މަސްކޭސް އުފައްދަމުން އަންނަވަރަށް ވުރެ އިތުރަށް ލައްކައެއްހާ މަސްދަޅު ކޭސް އުފައްދަން ޖެހޭނަކަމަށެވެ. އެހެންކަމުން މިކަމަށް ތައްޔާރުވަމުން އަންނަކަމަށް އެކުންފުނިން ވަނީ ބުނެފައެވެ. ކޮންމެ ގެބިސީއަކަށް 48 ދަޅުގެ މަސްކޭހެއް ހިލޭ ދިނުމަށް 46 މިލިއަން ރުފިޔާ ހޭދަވާނެއެވެ. 

މި ސަރުކާރަށް އެއް އަހަރު ފުރުމުގެ ޖަލްސާގައި ވާހަކަ ދައްކަވަމުން ރައީސް ޑރ. މުހައްމަދު މުއިއްޒު ވިދާޅުވީ ސަރުކާރުން ދިން ފުރަތަމަ ޑިސްކައުންޓެއްގެ ގޮތުން މިދިޔަ ރޯދަމަހު ސަރުކާރުން ކަރަންޓް ބިލުން ޑިކްސްކައުންޓް ދީފައިކަމަށެވެ. އެގޮތުން ކަރަންޓް ބިލުން މިދިޔަ ރޯދަމަހު 142 މިލިއަން ރުފިޔާގެ ޑިސްކައުންޓް ދީފައިވާކަަމަށެވެ. މީގެއިތުރުން މިދިޔަ ރޯދަމަހު 82،000  ގޭބިސީއަކަށް 1.6 މިލިއަން ކިލޯގެ ކާޑު ދޫކޮށްފައިވާކަމަށް ރައީސް މުއިއްޒު ވިދާޅުވިއެވެ.  

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް