ads
55 ރަށުގެ ކައުންސިލް އިދާރާގެ އާ އިމާރާތް އެޅުމަށް މެލޭޝިއާގެ ކުންފުންޏަކާއި އެކު އެއްބަސްވުމުގައި ސޮއިކުރަނީ
55ރަށެއްގެ ކައުންސިލް އިމާރާތް އަޅަން މެލޭޝިއާ ހެކްސްޓާއަށް
55 ރަށުގެ ކައުންސިލް އިދާރާގެ އާ އިމާރާތް އެޅުމަށް މެލޭޝިއާގެ ކުންފުންޏަކާއި ހަވާލުކޮށްފިއެވެ.
Advertisement

ކައުންސިލް އިމާރާތް އެޅުމުގެ މަސއްކަތް ހަވާލުކުރީ މެލޭޝިއާގެ ކުންފުންޏެއްކަމަށްކަމަށްވާ ހެކްސްޓާ ގްލޯބަލްއާއެވެ. މިކަމުގެ އެއްބަސްވުމުގައި މިއަދު ވަނީ ސޮއިކޮށްފައެވެ. 

މި އެއްބަސްވުމުގައި ރާއްޖެގެ ފަރާތުން ސޮއިކުރެއްވީ ސިޓީތަކާއި އިދާރީ ދާއިރާތައް ހިންގުމާ އާއްމު މަސައްކަތްތަކާއި ބެހޭ މިނިސްޓްރީގެ ޕާމަނަންޓް ސެކެޓްރީ ޑރ. އާއިޝަތު މުނާ އެވެ. އަދި ކޮންޓްރެކްޓަރުގެ ފަރާތުން ސޮއިކުރީ ހެކްސްޓާ މޯލްޑިވްސްގެ މެނޭޖިން ޑިރެކްޓަރު އަލީ ޝަރީފެވެ.

މި 55 ރަށުގެ މަސައްކަތް އެ ކުންފުންޏާއި ހަވާލުކުރީ 2 އަހަރާ 6 މަސްތެރެގައި ނިންމުމަށެވެ.

މި މަޝްރޫއަކީ ކޮންޓްރެކްޓަރު ފައިނޭންސް އުސޫލުން ކުރިއަށް ގެންދާ މަޝްރޫއެކެވެ. އަދި މި މަޝްރޫއުގެ އިތުރުން ޗައިނާ ސަރުކާރުގެ އެހީގައި އިތުރު 50 ކައުންސިލް އިމާރާތް އެޅުމަށްވެސް  ސަރުކާރުން ވަނީ ނިންމައިފައެވެ.

މިއަހަރު ތެރޭ 50 ކައުންސިލް އިދާރާ އިމާރާތްކުރައްވާނެކަމަށް ރައީސް ޑރ. މުއިއްޒު ވިދާޅުވީ، ރައީސްކަމަށް އިންތިހާބުވެވަޑައިގަތުމަށްފަހު އަތޮޅުތެރެއަށް ކުރެއްވި ފުރަތަަމަ ދަތުރުފުޅުގެ ތެރެއިން ހދ. މަކުނުދޫއަށް ވަޑައިގެން ދެއްކެވި ވާހަކަފުޅުގައެވެ.  

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް